web counter
LEXO PA REKLAMA!

SHKARKO APP

App Store
Google Play

E fundit!

x

Nga Poli Hoxha/Beteja finale për Shqipërinë që vjen, ose "Rama" përballë "Bashës"

6 Maj 2017, 11:48, Aktualitet CNA

Kur Lulëzim Basha dhe lidershipi i opozitës vendosën menjëherë pas protestës së madhe të 18 Shkurtit, që të ngrinin ?Çadrën? përball zyrës së kryeministrit Edi Rama, shumëkush mendoi se bëhej fjalë për një lëvizje radikale politike, për të rritur pikë në prag të zgjedhjeve të 18 Qershorit. Të tjerë e interpretuan si një tentativë për të marrë pushtet në tavolinë, edhe me ndihmën e LSI-së së Ilir Metës. Si më sipër, nuk mendonin vetëm fanatikët e ?Rilindjes?, por edhe mjaft demokrat apo ajo pjesë gri e opinionit publik që është lodhur me tranzicionin e gjatë ku kukullat vetëm ndërrojnë vendet dhe rolet.

Faktikisht opozita është në të drejtën e saj, që të përdor çdo mënyrë demokratike dhe paqësore për të shpejtuar ditën e synimit të saj final; rikthimin në pushtet. Kështu mendonin deri pak ditë më parë edhe shumica e ndërkombëtarëve, duke e rrethuar me injorim dhe heshtje totale ?Çadrën?. Askush nuk e pranonte krizën politike. Gjithkush e këndvështronte atë që po ndodhte, në mënyrën më paqësore si kurrë më parë në Shqipërinë pluraliste, thjesht si një tentativë për të marrë pushtetin sa më shpejtë.

Por sot ja ku jemi; Lulzim Basha përball Edi Ramës. Jo si lider i një partie që kërkon të bëjë vetveten kryeministër dhe të çojë sërish në zyrat komode të pushtetit, ata që u rrëzuan me votë plebishitare në Qershor të vitit 2013. As si një individ politik i ?virgjër?, përball një kryeministri të zhytur në korrupsion, klientelizëm e më tej në kriminalitet.

?Lulzim Basha? nuk është më Lulzim Basha, kryetar i PD-së dhe shef i opozitës. ?Edi Rama? nuk është më Edi Rama, kryeministër me votë dhe kryetar i mazhorancës. Janë dy filozofi politike të kundërta, dy plane madhore për të ardhmen e Shqipërisë, që përplasen për jetë a vdekje.

Të dyja këto projekte kanë edhe ?ushtritë? e tyre, që nuk kanë të bëjnë më me partitë që përfaqësojnë, as me të majtën e të djathtën, por vetëm me atë që do të ndodh me të ardhmen e Shqipërisë. Kjo është koha e një shansi të madh, për të mbyllur përfundimisht tranzicionin 27 vjeçar.

Kjo betejë historike është në kulm të saj. Palët artikulohen nga Edi Rama dhe Lulzim Basha. Le të shohim dhe shpjegojmë, ?armët dhe qëllimet? e tyre.

?Edi Rama? thotë;

Në Shqipëri nuk ka krizë politike dhe opozita ka hyrë në ?Çadër? nga frika e Vettingut dhe zbatimit të drejtësisë, për mëkatet që ka bërë kur ka qenë në pushtet.

?Lulzim Basha? thotë;

Në Shqipëri ka krizë politike, madje të vetë sistemit. Tashmë këtë po e artikulojnë edhe ndërkombëtarët (lexoni deklaratën e ambasadores gjermane). Por mbi të gjitha kjo krizë politike u ?pranua? nga vetë Edi Rama, në momentin që ai ishte i gatshëm që të lëshonte gjysmën e qeverisë, KQZ-në e ligjshme, presidentin që i takon mazhorancës (opozita nuk e ka kërkuar asnjëherë), shtyrjen e datës së zgjedhjeve të dekretuara nga presidenti, ?policinë që duam? etj. A ka krizë më të rëndë politike se kjo situatë?

Edi Rama thotë;

Unë nuk pranoj qeveri teknike dhe nuk kam pse të japë dorëheqjen, sepse kam një mandat demokratik nga populli.

?Lulzim Basha? thotë;

Edi Rama e ka ?pranuar? qeverinë teknike, që në momentin që lëshon çdo gjë, përveç pozicionit të tij. Qeverisja e tij është e kriminalizuar dhe rrezik për zgjedhjet e ardhshme. Vetëm një qeveri teknike pa Edi Ramën, mund të garantojë zgjedhje të lira dhe të ndershme. Mandatin që i dha populli e ka tradhtuar, duke u bërë palë me krimin dhe korrupsionin.

Edi Rama thotë;

Jam gati që të bëjë çdo kompromis, por nuk heq dorë vetëm nga Vettingu i cili është prioriteti numër një i imi.

Lulzim Basha thotë;

Opozita kthehet në Kuvend dhe voton Vettingun, që të nesërmen e krijimit të qeverisë teknike pa Edi Ramën. Por ai nuk e do këtë, sepse kërkon ta çojë deri në fund deformimin që i ka bërë Reformës në Drejtësi, duke shkelur marrëveshjen ?Nuland?.

?Edi Rama? thotë;

Unë dhe qeveria ime e kemi transformuar vendin këto katër vjet dhe këtë gjë, e dinë të gjithë qytetarët. Unë dhe PS jemi plotësisht të sigurt se do t?i fitojnë thellë zgjedhjet, të cilat do të bëhen fiks në datën 18 Qershor. Na duhen edhe të paktën dy mandate të tjera, që të realizojmë projektin tonë. Do të hedhim miliarda në vitet që vijnë për transformimin e vendit…

?Lulzim Basha? thotë;

Është e vërtetë që Edi Rama ka një projekt për Shqipërinë dhe ka ecur me shpejtësi, për realizimin e tij. Ai kriminalizoi legjislativin, pushtetin lokal, administratën, policinë dhe politikën në përgjithësi. Edi Rama ja dorëzoi ekonominë dhe taksat e qytetarëve një grushti oligarkësh të rinj e të vjetër, klientë direkt të tij. Instaloi skemën grabitqare të koncesioneve që është më e keqe dhe më e rrezikshme, se çdo piramidë financiare. Përzuri nga vendi mbi 300 mijë shqiptarë. Ja dorëzoi territorin mafies së narko-trafikut dhe po bëhet gati që të blejë që ?në dhomën e gjumit? votën e shqiptarëve, për të vazhduar projektin e tij kriminal.

?Edi Rama? thotë;

Jap çdo garanci për zgjedhjet e lira; kontrollin e policisë, arsimit, burgjeve etj, nga opozita…

?Lulzim Basha? thotë;

Duhet shkatërruar dhe rindërtuar në themel sistemi zgjedhor, mënyra e votimit, Kodi Penal, parlamenti të ketë vetëm 100 deputetë…

?Edi Rama? thotë;

Projekti im duhet të vazhdojë si e vetmja rrugë, për ta transformuar Shqipërinë.

?Lulzim Basha? thotë;

Është koha për ?revolucion demokratik?; stop përfundimisht tranzicionit, Republikë e Re…

Kjo është përballja e madhe historike, që po ndodh. Nuk është më mes Lulzim Bashës dhe Edi Ramës, por mes dy botëve dhe idealeve të ndryshme ku Shqipëria do shkojë…/SYRI.net





Lajmet e fundit nga