E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Vetëdeklarimi/ Zbulohen kandidat-deputetët e inkriminuar (Lexo emrat)

6 Maj 2017, 09:05, Aktualitet CNA

Pasi më parë kanë pranuar të jenë pjesë e listës së kandidatëve për deputet në garën elektorale të zgjedhjeve të Përgjithëshme parlamentare 2017, kanë plotësuar formularin e vetëdeklarimit, me shpresën se nuk do ti hynte gjemb në këmbë. Mirëpo ka ndodhur që, ndryshe nga herët e tjera, pas verifkimit të të dhenave ka rezultuar se kanë qenë të dënuar më parë ndër vite nga institucionet e drejtësisë.

Kjo ka dalë në sipërfaqe kur KQZ ka miratuar listën e kandidatëve të partive politive, duke konfirmuar zyrtarisht se trembëdhjetë kandidatë të partive LSI, PDIU, LIBRA dhe PKD rezultojnë të jenë të dënuar më parë, megjithse disa prej tyre nuk janë vetëdeklaruar si të tillë.

Kështu Ylli Shehu, kandidat i LSI-së për deputet në qarkun e Tiranës, në nr. 9 të listës ka vetëdeklaruar se ka qenë i dënuar me vendim gjyqësor të formës së prerë për ?kontrabandë mallrash?.

Sokol Ponari, po i LSI-së, kandidat për deputet në qarkun e Kukësit, po ashtu është dënuar nga gjykata për konsumim të veprës:?kundërshtim i punonjësve të policisë?. Më pas është rehabilituar.

Kandidati tjetër LSI-st, Klajdi Qama, nr.7 i listës së qarkut Berat, ka vetëdeklaruar se ka qenë i dënuar me vendim të formës së prerë nga Gjykata e këtij rrethi në vitin 2010, për konsumim të veprës penale ?kanosje?.

Shkëlqim Murati është një tjetër kandidat që mbart dënim. I përket forcës politike PDIU. Figuron i 8 në listen e PDIU dhe megjithëse nuk ka vetëdeklaruar asgje lidhur me pastërtinë ligjore, ka dalë se është gjobitur në vitin 2004 për ?mospagim të taksave e tatimeve?.

Po ashtu kandidati Fatos Hoxha, i pari në listën e PDIU për qarkun e Kukësit, nuk ka shënuar asgjë në formularin e vetëdeklarimit ndërsa është zbuluar se është dënuar për kundërshtim të punonjësve të policisë. Edhe Seit Fishta, nr. 1 i listës së kandidatëve të PDIU në Shkodër, megjithse nuk ka vetëdeklaruar gjë, rezulton të jetë dënuar për ?kontrabandë me mallra për të cilët paguhet akcizë, falsifikim dokumentash, veprime që pengojnë zbulimin e të vërtetës?. Është rehabilituar.Robert Bano, po i PDIU-së, kandidat për qarkun e Tiranës, nr. 6 i listës, rezulton i dënuar në vitin 1990 për ?përvetësim të pasuris socialiste?.

Dy kandidat të LIBRA-s, përkatësisht Florian Gjoni, nr. 9 i listës në zonën elektorale qarkut Vlorë dhe Daniel Koçi, nr. 11 i listës së kandidatëve të qarkut Fier, rezultojnë të dënuar, i pari me vendim të Gjykatës Sarandës për konsumim të veprës penale ?goditje për shkak të detyrës? dhe, i dyti, për ?drejtim të automjetit në mënyrë të parregullt?, nga Gjykata e Lushnjes.

Katër kandidatë të tjerë të inkriminuar i përkasin forcës politike Partia Kristian Demokrate. Ata janë Agron Hoxhaj, nr. 9 i listës së kandidatëve të Durrësit i cili,megjithse nuk ka shënuar asnjë dënim në formular rezulton i dënuar në vitin 2003 për veprën penale?kontrabandë me mallra?. Edmond Petraj, kandidati i parë i listës së Fierit, po ashtu, del të jetë dënuar nga Gjykata e Tiranës për ?ndërtim pa leje?. Jovan Kote, nr. 4 në listën e kandidatëve të Elbasanit është dënuar në vitin 1994, me vendim të formës së prerë për ?falsifikim të dokumentave zyratre?. Në formular nuk ka deklaruar të jetë i dënuar. Gjovalin Bibaj, i 7-ti në listën e qarkut Shkodër, megjithse nuk ka deklaruar qënien i dënuar, del se në vitin 2002 Gjykata e ka dënuar për veprën penale ?prodhim të kundraligjshëm të artikujve dhe mallrave ushqimor e industrial?./CityNews