web counter
LEXO PA REKLAMA!

SHKARKO APP

Video-Zbulohet magazina me mallra kontrabandë në Tiranë/Arrestohet biznesmeni

6 Maj 2017, 08:53, Aktualitet CNA

Policia e Tiranës ka finalizuar me sukses operacionin e koduar ?Shëtitësi?, duke arrestuar një shtetas. Mësohet se ka rënë në pranga shtetasi Erand Shala, 44 vjeç, banues në Tiranë.

Sipas uniformave blu, 44-vjeçari tregtonte mallra kontrabandë, të cilat i mbante në një pjesë të përshtatur si magazinë në banesën e tij.

Aksioni policor:

Më datë 06.05.2017, Specialistët e Krimit Ekonomik në Drejtorinë Vendore të Policisë Tiranë, në bashkëpunim me Hetimin Tatimor, kanë arrestuar në flagrancë shtetasin:
– Erand Shala, 44 vjeç, banues në Tiranë
Ky shtetas dyshohej se tregtonte mallra kontrabandë, të cilat i mbante në një pjesë të përshtatur si magazinë në banesën e tij.
Pas kontrollit të ushtruar në banesën e tij janë gjetur edhe sekuestruar në cilësinë e provës materiale:
3 vula të dyshuara të falsifikuara me specifikimet ?rubineteria das?, ?sanitari Tirana? dhe “Trans ? Speed SHPK International Transport?.
692 kg letra të lagura me logo të ndryshme
23 600 prerëse për thonjtë
21 400 termometra trupi
4 320 termometra ambienti
1 200 matësa tensioni
9 000 erashka plastike dhe druri
30 000 karfica
36 000 shishe me biberon për fëmijë
7 000 kuti me domino
1 235 shishe 180 ml me ilaç për mushkonja
Shtetasi i lartpërmendur, kishte marrë një NIPT si shëtitës, me qëllim shmangien e tatimit mbi vlerën e shtuar, për produktet të cilat i importonte nga Kina.
Materialet proceduriale i kaluan Prokurorisë pranë Gjykatës së Shkallës së Parë Tiranë, për veprën penale ?Tregtimi dhe transportimi i mallrave që janë kontrabandë, falsifikimi i vulave, i stampave ose i formularëve, fshehje të ardhurave, krijim të skemave mashtruese lidhur me tatimin mbi vlerën e shtuar?./CityNews





Lajmet e fundit nga