web counter
LEXO PA REKLAMA!

SHKARKO APP

App Store
Google Play

Dosjet e spiunëve/ 20 milion faqe në dispozicion të Autoritetit

6 Maj 2017, 09:41, Aktualitet CNA

Vetëm pak muaj pas krijimit Autoriteti për Informim mbi Dokumentat e ish shërbimit sekret komunist ka konfirmuar praninë e një materiali prej rreth njëzetë milion faqesh i cili me kohë do të nis të zbardhet për të dëshmuar të vërtetën e hidhur. Dosjet janë marrë nga Drejtoria e Përgjithëshme e Arkivit të Shtetit, ndërkohë që fatin e tyre të të shkuarës e të të ardhmes e ka artikuluar Gentjana Sula kryetarja e Autoritetit të Dosjeve.

?Është vlerësuar se fondi i përgjithshmja është rreth 20 milionë faqe. Është një material goxha voluminoz, i cili pritet të përpunohet jo sot, jo për një vit, por për shumë vjet. Jemi njohur me faktin që ka pasur asgjësime, qoftë në kohën e komunizmit konform rregullave, qoftë me vendime politike, në vigjilje të ndërrimit të sistemeve. Kjo është një detyrë që ne e kemi marrë përsipër. Kemi krijuar një grup pune dhe po hetojmë të gjitha procesverbalet e asgjësimeve që janë bërë në mënyrë ligjore, ose në vendimmarrje. Do t?i diskutojmë se në çfarë background-i kanë ndodhur dhe brenda shtatorit do të informojmë publikun për gjithë historikun e asgjësimit. Edhe kjo është një pjesë e historisë?, ka thenë Gentiana Sula në një prononcim mediatik gjatë nënshkrimit të marrëveshjes me Drejtorinë e Arkivit./CityNews





Lajmet e fundit nga