web counter
LEXO PA REKLAMA!

SHKARKO APP

App Store
Google Play

E fundit!

x

Pse u tërhoq Rama nga paketa e ndërkombëtarëve

5 Maj 2017, 11:18, Aktualitet CNA

Kryeministri Edi Rama është tërhequr nga paketa e ofruar nga eurodeputetët Knut Fleckenstein dhe David McAllsiter për zgjidhjen e krizës politike në vend. Paketa e McAllister, i cili zhvilloi takime në Tiranë me krerët e politikës rreth dy javë më parë, i jepte opozitës mundësinë për të zgjedhur 4 ministra teknikë, 12 drejtuesit e policisë në qarqe, kreun e KQZ, Avokatin e Popullit, etj. Por, kjo paketë nuk u pranua nga kryedemokrati Lulzim Basha, i cili u largua vetëm pak minuta pasi kishte filluar takimi në ?Pallatin e Kongreseve?.

Paketa e parë, e ofruar nga ndërkombëtarët, kishte të bënte në fakt me ndarje pushtetesh, një pjesë e institucioneve do të ndaheshin mes dy forcave kryesore politike në vend, duke krijuar një mundësi të mirë për transparencë në zgjedhje. Por, Lulzim Basha e refuzoi këtë paketë zgjidhjeje, ku tashmë duket se nuk do ta ketë më në tavolinë.

Me zgjedhjen e Ilir Metës President të vendit edhe kushtet për kreun e demokratëve kanë ndryshuar. Basha është ulur dy ditë rresht në tryezën e diskutimit me Ramën, por pas një bisede të gjatë kokë më kokë në prani të Presidentit Bujar Nishani, palët janë ndarë pa një rezultat pozitiv. Në të dyja takimet, Rama ka paraqitur në tryezë një tjetër paketë, ku kemi një përgjysmim të ofertës së McAllister. Ky i fundit ofronte katër minsitra teknikë, ndërsa Rama në dy takimet e fundit i ka ofruar Bashës propozimin e disa zëvendësministrave, të cilët të mos jenë anëtarë të Partisë Demokratike.

Opozita me në krye Lulzim Bashën nuk e ka pranuar ofertën e fundit të Ramës, duke vijuar të ?përpëlitet? në çadër. Nga ana e tij, Rama është i gatshëm të vazhdojë lojën, duke e lodhur më shumë Partinë Demokratike, që në rast se ajo vendos të futet në zgjedhje, të mos ketë mundësi për fitore./CityNews





Lajmet e fundit nga