web counter
LEXO PA REKLAMA!

SHKARKO APP

App Store
Google Play

E fundit!

x

Si e futi LSI në kurth PD

5 Maj 2017, 09:08, Aktualitet CNA

Partia Demokratike prej katër vjetësh fatkeqësisht një sy e ka mbajtur mbyllur tek Ilir Meta. Një grup i madh deptutetësh dhe politikanësh të kësaj partie besonin dje dhe besojnë ende sot se PD dhe e djathta nuk vijnë dot në pushtet pa Ilir Metën. Kjo ishte një arsye që e futi forcën më të madhe të opozitës në qorrsokak.

PD nuk po luftonte të ishte vetëvetja, nuk po ndërtonte realisht strukturat e saj opozitare, por po kryente një organizim formal dhe të pavlerë, duke përdorur gjatë zgjedhjeve të bazës edhe strukturat e LSI. Kjo e faktuar në garën Basha-Olldashi, por edhe në zgjedhjet e PD në degë. LSI shpesh jepte dhe mbështetje për individë të caktuar brenda PD sipas interesave të një klani që shpresonin te Meta në PD. Me një sy mbyllur PD kaloi 4 vjet, duke mos sulmuar asnjëherë, në asnjë rast Ilir Metën dhe ministrat e tij. Drejtuesit më të lartë të opozitës shpesh artikulonin ?Ja dhe pak, Ilir Meta do ikë?, ?Ilir Meta nuk ka besim te Rama, se ka frikë që e fut në burg?, ?Ilir Meta beson te Luli, është më rehat te Luli se sa te Edi?. Këto janë disa nga fjalët e përdorura prej drejtuesve më të lartë të opozitës së sotme, që shpresonin thjesht dhe vetëm tek Ilir Meta dhe jo te forca e demokratëve dhe vetë asaj që përfaqëson PD.

Kreu i LSI shpesh iu shkelte syrin edhe pse përplasej me Ramën dhe merrte gjithçka nga ai. Meta shkoi deri atje sa ishte poli 3 i bisedimeve. I shkelte syrin opozitës, merrte përsipër ta ofronte atë në tavolinë, mori flamurtarin e reformës në drejtësi, kur çadra po venitej ai i dha oksigjen dhe në fund me një lëvizje të beftë u ul në prehrin e Ramës për të mos u ndarë edhe katër vite qeverisje prej tij, apo pranoi të jetë opozita informale e këtij vendi, si një ndërtim pa leje dhe i pashpresë, që me shumë gjasa po shembet dita-ditës, por nga pas këto kohë po tërheq zvarrë forcën më të madhe të opozitës në vend, PD.

Ilir Meta është politikani i 27 viteve tranzicion, që fillon me tradhti dhe prapaskena, me vjedhje dhe korrupsion e deri me akuza për vrasje të ngelura në tentativë apo urdhërim vrasjesh. Dhe ky është Presidenti i ri i vendit, ish-kreu i LSI, tek i cili shpresonte PD. Ai tradhtoi shokët e tij, partinë e tij, tani futi në kurth edhe PD. Problemi nuk qëndorn tek Ilir Meta, por te lidershipi i demokratëve, që në 4 vite shpresoi tek ai dhe nuk shpresoi te vetë forca e brendshme, që ka PD, nëse gjithcka mbështetet te baza dhe jo tek intrigat dhe prapasknat politike që po drejton sot opozitën./CityNews





Lajmet e fundit nga