E fundit!

08:07 Aktualitet

Rama: Ja kur e pranoj dorëheqjen

Kryeministri Edi Rama e ka nisur mëngjesin e kësaj të prem...

Nëse opozita nuk hyn në zgjedhje/ Rama-Meta “sulltanët” e pas 18 qershorit

5 Maj 2017, 08:47, Aktualitet CNA

Pasi më parë njohjen e zgjedhjeve të 18 qershorit nga ndërkombëtarët edhe nëse opozita nuk merr pjesë e kanë artikuluar Gjermania, SHBA, Britania dhe BE, dje të njejtën mesazh ka artikuluar edhe ministrja e Jashtme e Suedisë, Margot Wallstrom, si dhe Hollanda, nëpërmjet zërit të përfaqësisë së saj diplomatike në Shqipëri.

?Pas konsultimit me Ambasadat e tjera dhe delegacionin e BE-së në Tiranë, Holanda u bën thirrje të gjitha forcave politike që të vazhdojnë dialogun në përpjekje që zgjedhjet të mbahen sipas standardeve ndërkombëtare dhe me pjesëmarrjen e të gjitha partive. Udhëheqësit politikë duhet të jenë të përgjegjshëm për stabilitetin e vendit?, lexohet në deklaratën e shpërndarë nga Ambasada holandez. Teksti i të cilës më tej vijon të kumtojë: Shqiptarët, meritojnë zgjedhje me pjesëmarrjen e të gjitha partive politike dhe megjithëse do të na vinte keq nëse opozita i bojkoton, vetë zgjedhjet do të vlerësohen në bazë të standardeve ndërkombëtare??.

Më pas, deklarata e përfaqësisë diplomatike hollandeze përmend se çmund të humbin shqiptarët e Shqipëria nëse opozita nuk hyn në zgjedhje, duke vlerësuar më së pari Reformën në Drejtësi dhe pesë prioritetet për hapjen e negociatave të anëtarësimit.

Ky është raporti më i rendësishëm i negativitetit të opozitës, në fakt PD-së, si prijësuesja e saj, me elektoratin e vet e më gjerë, por nëse opozita nuk hyn në zgjedhje pasojat më të rënda humbëse do ti ketë pikërisht ajo. Pasi, vërtetë të regjistruara rezultojnë 17 parti politike, por që të gjitha ato janë bijëza të maxhorancës qeverisëse, me prijësim PS-në.

Pra, në 18 qershor, nëse opozita nuk hyn në zgjedhje do të kemi një garim të të majtëve me vetveten,ku është e sigurt që fitorja do të administrohet po nga PS-LSI, dy forcat politike të të majtës të lidhura në koalicion në vitin 2013, me ndërmjetësimin e të majtëve europian.

Këta, pra PS-LSI, do të sundojnë Parlamentin, qeverinë, presidencën e morrën dhe gjithë jetën e vendit, ndërkohë që nga mosdisponimi i asnjë lloj pushteti PD e ka të sigurt daljen nga sistemi poltik dhe me kohë haresën. Duke e rikthyer sistemin politik të vendit në fillimvitet ?90 kur e majta komuniste e sundoi pluralizmin duke patur në krye ish partinë e Enver Hoxhës të ngjyrosur me ca ish organizata, leva të saj, të konvertuara në subjekte elektorale garuese me partinë mëmë.

Sipas kësaj skeme do të funksionojë Parlamenti që do të dalë pas 18 qershorit, ku mungesa e opozitës humbjen më të madhe do t?ja shkaktojë asaj vetë, ndërkohë që do të bëj të plotfuqishëm kryeministrin Edi Rama, në mandatin e tij të dytë, dhe presidentin e ri Ilir Meta. /CityNews