web counter
LEXO PA REKLAMA!

SHKARKO APP

App Store
Google Play

KQZ-Autoriteti, marrëveshje për bashkëpunëtorët e Sigurimit të Shtetit komunist

5 Maj 2017, 09:43, Aktualitet CNA

Pas dekriminalizimit një tjetër ligj i miratuar me këmbëngulje të opozitës, ai i hapjes së dosjeve të ish bashkëpunëtorëve të shërbimit sekret komunist, pritet të pastrojë parlamentin e ri nga deputetët e inkriminuar.

Një takim midis dy drejtuesve të institucioneve të rendësishme, atij të KQZ,Dena Biba dhe kryetares së Autoritetit për Informim mbi dokumentat e ish Sigurimit të Shtetit, Gentiana Sula jep shpresë se në parlamentin e ri që pritet të dalë pas zgjehjeve të 18 qershorit, të mos ketë më deputetë ish pjesë e armatës së spiunëve të Sigurimit të Shtetit komunist.

Në takimin e bërë midis tyre në kuadër të kordinimit të punëve, Sula i kërkoi Bibës vënien në dispozicion të listave të kandidatëve garues në zgjedhjet 2017 me qëllim verifikimin e qënies apo mosqënies së tyre bashkëpunëtor të ish-shërbimit sekret të Sigurimit të Shtetit.  ?Integriteti i kandidatëve duhet të kalojë edhe testin e verifikimit të pastërtisë së figurës së kandidatëve, ashtu siç verifikohen edhe në zbatim të ligjit të dekriminalizimit. Partitë politike kanë rol shumë të rëndësishëm në këtë moment për të garantuar të shkuarën e kandidatëve të tyre në zgjedhjet parlamentare?, u shpreh Sulaj. Procesi verifikimit do të nis sot, në mënyrë që të ketë sa më shumë kohë për verifikimin e të gjithë kandidatëve për deputetë./CityNews





Lajmet e fundit nga