E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Nga Mero BAZE/Poshtërimi i dyfishtë i zgjedhjes së Presidentit

21 Prill 2017, 19:53, Aktualitet CNA

Ndërsa shumica ka filluar procedurat e dështimit të zgjedhjes së Presidentit, në pritje të opozitës në Kuvend dhe të konsesusit të saj për një emër të mundshëm, kryetari i Partisë Demokratike, Lulzim Basha, ja ka dalë të bëhet tërësisht joserioz, duke propozuar që ?Presidenti të zgjidhet nga populli?, duke banalizuar jo vetëm këtë debat, por dhe vetë ?misionin? e çadrës dy mujore në Bulevard.

Prej vitit 2002, Presidenti është zgjedhur si ka dashur Sali Berisha. Kur socialistët mund ta zgjidhnin Presidentin në vitin 2002, pa nevojën e PD, Berisha loboi fort, duke bojkotuar Kuvendin dhe duke arritur të marrë si koncesion nga faktori Perëndimor, futjen në Kuvend dhe zgjedhjen e Presidentit konsensual.

Në atë kohë, kur zgjedhjet e 2001 kishin pasur probleme, Brukseli arsyetoi se shumica socialiste kishte fituar aq mandate sa meritonte pushtetin, por jo një shumicë që meritonte Presidentin, dhe e detyroi atë të futej në një tavolinë konsesusi me Berishën, duke zgjedhur president Alfred Moisiun, propozim i Berishës.

Në vitin 2007, Berisha arriti ta përçajë Partinë Socialiste dhe të zgjedhë president Bamir Topin, për të shpëtuar nga oponenca e brendshme në Partinë Demokratike dhe për t?i hequr Topit nga duart një grup prej dyzet deputetësh të PD, që shfaqeshin rregullisht krah tij, përballë Berishës.

Në vitin 2008, Berisha arriti të bindë Edi Ramën, që zgjedhja e Presidentit të mos bëhet më me konsesus, por me shumicë të thjeshtë. Kjo, sipas arsyetimit të tyre, do të shmangte figurat boshe të ofruara si ?konsensuale? në Presidencë dhe do na çonte tek një President politik.

Por produkti i parë i kësaj marrëveshje, ishte presidenti Bujar Nishani, ndoshta profili më qesharak i historisë së Presidencës shqiptare, që ka banalizuar jo vetëm staturën e Presidentit, por dhe misionin simbolik të tij, duke përdorur dekoratat për qoka familjare.

Tani, kur Partia Demokratike ka hyrë në çadër dhe pretendon që nuk do të kthehet as në Kuvend për të votuar reformën në drejtësi, as në zgjedhje më 18 qershor, Lulzim Basha propozon ndryshim tjetër Kushtetute, duke kërkuar zgjedhjen e Presidentit nga populli.

Nuk jam kundër kësaj ideje, biles duhej parë mirë që në vitin 2008, për të shmangur përplasjen mes Republikës presidenciale dhe asaj parlamentare, por momenti kur e propozon Lulzim Basha, e bën atë qesharak. E bën qesharak, pasi përballë tij ka detyrime urgjente për të futur PD në garë dhe në Kuvend, për t?i hapur rrugë shpëtimit të PD nga vetëvrasja. Në vend të saj, ai bën propozime si të ishte opinionist i lirë, që mendon se si mund të shkojë kjo punë.

Që të ndryshohet sot Kushtetuta për Presidentin, duhet që Basha e Rama të ulen të bëjnë një paketë të plotë ndryshimesh kushtetuese, duke e ribërë paçavure Kushtetutën tonë, ku duhet të përfshihet doemos reforma zgjedhore dhe ndryshimet në sistem me ?prim?, apo proporcional kombëtar.

Nga ana tjetër, duhet të kemi parasysh se prej vitit 2002, Partia Socialiste, edhe pse ka qenë shumicë në Shqipëri, nuk e ka pasur Presidentin, dhe kjo është një mungesë e thellë përfaqësimi politik i saj në Presidencë.

Tani që procesi ka filluar dhe Partia Socialiste sërish ofron konsensus, ndaj një opozite që po bën gati barrikadat për ditën e hënë në rrugët e Shqipërisë, ky propozimi i Lulzim Bashës është jo vetëm joserioz, por dhe një tregues se ai nuk e ka të qartë as vetë përse ka hyrë dhe përse po rri në çadër.

Ndoshta është koha që shumica të bëhet serioze dhe t?i japë vendit një President dinjitoz. Me këtë rast, kursejnë dhe Lulzim Bashën, i cili e shikon këtë proces me frikë, se mos i ofrojnë konsensus dhe s?ka si të justifikojë më tej çadrën. Është paniku i njeriut që nuk e ka luftën e tij dhe nuk e di saktë kush quhet fitore dhe kush humbje e saj./TemA