E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kush duhet ta hetojë kryeministrin Edi Rama

21 Prill 2017, 17:18, Aktualitet CNA

Jo për të parën herë kryeministri i vendit, Edi Rama, ka vijuar të gjendet përpara hallexhinjve me prona të palegalizuara për tu dhenë dokumentat e legalizimit, domethenë tapitë e ndërtimeve pa leje, për ti joshur që në votimet e pritëshme të 18 qershorit t?ia japin votat Partisë Socialiste. Kjo sipas tij, jo për interesat e tija personale, as për ato të partisë që drejton,por për të vijuar ndërtimin e vendit, për interesin e popullit, ku hyjnë edhe kuksianët e hasianët me të cilët ai vazhdoi më tej mitingun e fundit të ditës së premte.

Në turin e sotëm një ditor në Kukës e Has, kryeministri Rama shoqërohej nga drejtori i Përgjithshëm i ALUIZNI-it, Artan Lame. Kishte me vete dhe Erisa Spiropalin, por nuk po e fusim në llogari, pasi ajo nuk mban ndonjë post zyrtarë, nuk është punonjëse e administratës shtetërore, çka don të thotë që mund të shkoj të bëj propagandë partie nga mëngjesi në darkë, ku dhe kur të dojë.

Kurse Edi Rama dhe Artan Lame jo. Nuk kanë asnjë të drejtë ligjore që, duke shfrytëzuar detyrat e larta shtetërore, të bëjnë propagandë elektorale në favor të partisë së tyre Socialiste. Të shfrytëzosh të drejtën ligjore të pajisjes me çertifikatë legalizimi për efekt të thithjes së sa më shumë votave në zgjedhje është një veprim i dënueshëm si nga Kodi zgjedhor, ashtu edhe nga homologu i tij penal, që e klasifikon këtë akt si konflikt interesi.

Është e vërtetë që të njejtën gjë kanë bërë edhe kryeministrat paraardhës të tij, por askush prej tyre nuk premtoi rilindje, e për më tepër që gjatë fushatës elektorale të vitit 2013, kur ende nuk ishte bërë kryeministër, Edi Rama, premtonte se, nëse shqiptarët do ti besonin votat e ai do të bëhej kryeministër, nuk do të shfrytëzonte kurrë postin për të favorizuar PS-në.

Gjë që, sikurse dhe për shumë premtime të tjera, e hëngri fjalën dhe prej muajsh me Artanin në krahë, ka nisur bredhjen duke shpërndarë legalizime dhe bërë propagandë elektorale. Ai si Kryeministër dhe Lame ai Drejtor i Përgjithshëm. Në shkelje flagrante të Kodit elektoral e neneve të kodeve penale, që si edhe më parë shkelen nga që, ende nuk po del një prokuror burrrrrrë që të hetojë Kryeministrin. /Citynews