web counter
LEXO PA REKLAMA!

SHKARKO APP

App Store
Google Play

Basha zbulon betejën më të madhe të opozitës që e mbështet Europa dhe SHBA

21 Prill 2017, 14:49, Aktualitet CNA

Kryetari i Partisë Demokratike, Lulzim Basha në një postim në rrjetet sociale ka vazhduar thirrjen e tij për zgjedhje të lira dhe të ndershme.

Ndër të tjera, Basha shkruan se kjo betejë bëhet edhe për Europën edhe për SHBA, por më së shumti për vlera për sot dhe nesër.

?Beteja jonë për zgjedhje të lira, për demokraci të vërtetë dhe për një Shqipëri të lirë nga droga dhe krimi, nuk është vetëm për fatin e shqiptarëve dhe të ardhmen e Shqipërisë. Kjo është betejë edhe për Europën, edhe për Amerikën, sepse është betejë për vlerat e përbashkëta dhe për sigurinë e përbashkët.

Një Shqipëri e sigurtë, kontribuon për një Europë të sigurtë. Një Shqipëri demokratike dhe e fortë kontribuon në partneritetin strategjik dhe sigurinë euroatlantike. Ndërsa një Shqipëri që ka humbur kontrollin e territorit dhe të kufijve, me një qeverisje të kapur nga krimi sjell pasiguri për Europën dhe kthehet në konsumator të partneritetit strategjik me Shtetet e Bashkuara të Amerikës.

Liria, demokracia dhe mirëqeverisja janë të vetmet garanci për stabilitetin, sigurinë dhe mirëqenien, për sot dhe për nesër.#NgrihemiBashkë #ZgjedhjeTeLira #RepublikaeRe.?/CityNews

 





Lajmet e fundit nga