web counter
LEXO PA REKLAMA!

SHKARKO APP

App Store
Google Play

E fundit!

x

Presidenti nga populli/Dokumentet që vendosin Bashën me shpatulla pas murit

21 Prill 2017, 12:15, Aktualitet CNA

Kreu i Partisë Demokratike, Lulzim Basha, tha sot nga çadra e protestës së presidenti duhet të zgjidhet nga populli. Duke iu përgjigjur Edi Ramës dhe Ilir Metës, Basha deklaroi se presidenti duhet të zgjidhet nga populli dhe duhet ndryshuar Kushtetuta.

Një ide e Bashës vjedhur nga deputeti i LIBRA, Ben Blushi, i cili prej vitesh propozon president nga populli. Basha vjedh idenë në vitin 2017, por një vit më parë ai urdhëroi deputetët e PD të mos firmosnin amendamentet e Ben Blushit që në seancë të kalonte propozimi për president nga populli.
Në muajin qershor të vitit 2016, deputeti Ben Blushi propozoi publikisht në Kuvend zgjedhjen e presidentit nga popullit, që ky i fundit t?i kalonte në dorë popullit. Blushi në atë kohë mblodhi mijëra firma online për idenë e tij.

Ndoshta shqiptarët e kanë harruar, por vitin e kaluar Blushi ishte i vetëm që do çonte amendamentin në Kuvend. CityNews iu sjell edhe njëherë dokumentet e plota të amendamentit të Blushit, i cili nuk u fut kurrë për votim, sepse nuk u plotësuan numrat. Kjo nismë u mbështet vetëm nga 10 deputetë, që ishin: Agron Duka, Arta Dade, Ben Blushi, Dashamir Shehi, Eduard Selami, Luljeta Arapi, Mimoza Hafizi, Nard Ndoka, Tahir Muhedini dhe Vangjel Dule.

Por, nisma do të mbetej një propozim në ?sirtar? i Blushit, pasi një amendament duhet të marrë të paktën 20 firma deputetësh që të futet në Kuvend. Dhe presidenti nga populli vdiq! Sepse nuk e firmosi asnjë nismën e Ben Blushit, as deputetët e Bashës dhe Partisë Demokratike. Por, sot Basha tha se duhet president nga populli. Kryedemokrati iu rikthye propozimit të Ben Blushit, duke i vjedhur idenë pa e përmendur fare si nismëtarin e saj, pa theksuar faktin se mund të kërkonte dhe ndjesë për një kauzë të vonuar./CityNews





Lajmet e fundit nga