web counter
LEXO PA REKLAMA!

SHKARKO APP

App Store
Google Play

E fundit!

x

Nuk asgjesohet?/ Ku përfundon droga e sekuestruar

21 Prill 2017, 10:02, Aktualitet CNA

Ka qenë shokuese deklarata e bërë paraditen e sotme nga kryeprokurori Adriatik Llalla, lidhur me fatin e sasive të drogës të sekustruara. I gjendur në të njejtën tryezë takimi me ministrin lësëist të Drejtësisë, Petrit Vasili, gjatë prezantimit të rekomandimeve të Këshillit të Ministrave për institucionet e Prokurorisë, kryeprokurori i Republikës, për të parën herë ka pohuar se nuk dihet me siguri nëse asgjësohet droga e sekuestruar. Po ku përfundon atëherë?

Në vijim të kësaj linje, ai pohoi se prokurorët përjashtohen nga procesi i asgjësimit të drogës. ?Prokurorët nuk duhet të përjashtohen nga ky proces. Prokurori duhet të jetë i pranishëm kur asgjësohet  kanabis. Droga asgjësohet jo sipas ligjit, nuk njoftohen prokurorët. Ka dyshime që nuk asgjësohet droga?, ka thenë Llalla. Duke ngritur pikëpyetje rreth fatit të vërtetë të qindra tonelatave drogë të kapur nëpër parcelat, por edhe atyre të sekuestruara ndër magazinat.

Të dhenat zyrtare të policisë  flasin për 2.5 milion rrenjë të sekuestruara gjatë vitit të shkuar, pa llogaritur ato të kapura nëpër magazine, si ajo në fshatin Pagri të Përmetit etj. Janë qindra tonelata që, duke ju referuar deklaratës së kryeprokurorit Adriatik Llalla, asgjesohen pa qenë prezent përfaqësuesi i hetimit. Një detyrim ligjor ky që rezulton të jetë shkelur duke lenë ngrehur pyetjen: Nëse nuk asgjesohet ku shkon droga e sekuestruar? I kthehet sërish trafikantëve, shitet nga vetë policia apo, pas pazareve të palëve, të ardhurat përfundojnë në  xhepat e gjithësecilit. /Citynews





Lajmet e fundit nga