web counter
LEXO PA REKLAMA!

SHKARKO APP

App Store
Google Play

E fundit!

x

STRASBURGU/ Si u arrit deri tek vendimi për rihetim të 21 Janarit

21 Prill 2017, 08:19, Aktualitet CNA

Gjykata Europiane për të Drejtat e Njeriut, e njohur masivisht si Gjykata e Strasburgut, ka vendimuar si zgjidhje për ankesat e paraqitura nga familjarë të dy prej të vrarëve në protestën e 21 janarit 2011, mosshqyrtimin e mëtejshëm dhe rikthimin e dosjes në Shqipëri për rihetim.

Vendimi ka ardhur si rezultat i një marrëveshjeje të bërë midis ankuesve dhe qeverisë shqiptare e cila ka pranuar shkeljen e të drejtave të familjarëve, duke u bërë garant për të rihetuar edhe njëherë çështjen, si dhe për të dëmshpërblyer familjarët. Ky është thelbi i asaj çka vendosi Strasburgu, mirëpo si u shkua deri këtu?

Protagonistë janë familjarët e dy prej viktimave, të ndjerëve Ziver Veizi dhe Hekuran Dedja, të cilët i apeluan Gjykatës së Strasburgut mungesën e një hetimi serioz në Shqipëri rreth vrasjes së familjarëve të tyre, por dhe dëmshpërblimit.

Pasi në 23 dhjetor 2016 qeveria Rama e njoftoi Strasburgun se pranonte kompensimin e familjarëve të viktimave të 21 janarit dhe zotohej për të rinisur hetimin e ngjarjes, në 18 janar 2017 nëpërmjet një vendimi Këshilli i Ministrave vendosi  akordimin e shumës 160 milion lekë për dëmshpërblimin e tyre, pas fitimit të çështjeve në Gjykatën Administrative.

Në datën 13 janar 2017 Strasburgu u vu në dijeni të një letre që familjarët ankimues i kishin adresuar kësaj Gjykate, nëpërmjet të cilës shprehnin dakortësi me kushtet e qeverisë për dëmshpërblimin dhe rihetimin e çështjes. Gjë që e konfirmonte edhe përfaqësuesi i tyre Dorian Matlia, nëpërmjet një deklarate, ku ndër të tjera theksohej:

??Duke u konsultuar me aplikantët, unë ju informoj se ata e pranojnë propozimin dhe heqin dorë nga çdo kërkesë tjetër në lidhje me faktet që shkaktojnë këtë kërkesë. Ata deklarojnë se kjo përbën një zgjidhje përfundimtare të çështjes?./Citynews





Lajmet e fundit nga