E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Lolita ka nje mesazh/Qytetarit "të thjeshtë" Alfred Peza dhe sojit të tij

20 Prill 2017, 21:31, Aktualitet CNA

Para 2 ditësh, pas sekuestros së pasurisë së bashkëshortes tënde, ti Alfred Peza na dole para mediave me një fjalim të gjatë se gjoja ky ishte një sulm i paprecedentë ndaj teje. Aty nga fundi the edhe se ky sulm mund të bëhet një precedent për çdo shqiptar të thjeshtë që ka vënë një pronë të vogël e ka disa para në ndonjë bankë të nivelit të dytë.

Sa për të sqaruar Alfred, shumica e shqiptarëve të thjeshtë ka më shumë mundësi të kenë një kredi në bankë, se sa para, por ti nuk ke para në bankë zotëri; ti je aksioner i një banke, pra, je pronar!
Ti Alfred, si shumë të sojit, të cilëve u ngushtohet litari në të tillë formë, luani një kartë shumë të zgjuar; atë që gjoja jeni qytetar i thjeshtë njësoj si gjithë ne të tjerët.
Jo zoti Peza, jo, ju e ata të sojit tënd nuk jeni një qytetar i thjeshtë! Nuk jeni sepse ju paguheni disa miliona lekë në muaj, ndërsa qytetari i thjeshtë disa qindra mijë lekë. Ju visheni firmato, ndërsa qytetari i thjeshtë shpesh gjenden mes dilemës të blejë rroba apo ushqim. Ju keni aksione në bankë, ndërsa qytetari i thjeshtë shpesh është i zhytur në borxhe. Ju numëroni milionat, ndërsa qytetari i thjeshtë ditët derisa të marrë rrogën. Ju zoti Peza dhe lloji yt, Nikolla, Mediu, Meta, Fullani & Co, i shkolloni fëmijët jashtë, ndërsa qytetari i thjeshtë i duhet të punojë e të rropatet për tu shkolluar. Ju trajtoheni në spitalet më të mira, ndërsa qytetari i thjeshtë pret rradhëve a lëngon në shtretër spitalesh e i duhet të japë para të marrë shërbim. Ju zoti Peza u hapen dyert kudo ku shkoni, se jeni me pushtetin e paranë, ndërsa qytetari i thjeshtë i duhet të përballet me burokracinë, arrogancën, militantizmin, korrupsionin dhe padrejtësinë. Ti dhe soji yt, jeni shembull i asaj që thotë Orwell “Të gjitha kafshët janë të barabarta, por disa kafshë janë më të barabarta se të tjerat.”
Kështu që boll na shitët dëngla duke veshur mbi lëkurën e ujkut atë të deles, që të na vijë keq për ju! Kjo është e tepërt, sepse përpos vjedhjes që na bëni, doni edhe të talleni ditën me diell…/mesazh nga faqja Lolita ne fb.