web counter
LEXO PA REKLAMA!

SHKARKO APP

App Store
Google Play

E fundit!

x

Kallashnikovi trondit Francën/Dëshmitë: Pamë njerëz të shtrirë ...! (Video)

20 Prill 2017, 20:26, Aktualitet CNA

Franca është tronditur mbrëmjen e sotme nga një tjetër sulm terrorist. Ngjarja ka ndodhur pranë një zone turistike, siç është Champs Elysees, e cila është goditur edhe herë të tjera nga aktet terroriste.

Sipas të dhënave të policisë nuk është sqaruar ende nëse bëhet fjalë për një sulm terrorist apo për një krim. ?Po zhvillohen hetime të hollësishme për të kuptuar natyrën e sulmit, nëse bëhet fjalë për një sulm terrorist apo për një krim?,- thanë zyrtarë të policisë.

Dëshmitarët e parë në vendngjarje thonë se bëhet fjalë për një sulm të dhunshëm, kur persona ende të paidentifikuar nisën të qëllonin me kallashnikov, përpara turmës së njerëzve përpara një dyqani ?Marks & Spencer?, shumë pranë Champs Elysees, një nga atraksionet turistike të Parisit.

Zëdhënësja e policisë së Parisit, Johanna Primevert tha se sulmuesi kishte në shënjestër policinë që ruante zonën pranë stacionit të metrosë Franklin Roosevelt të enjten mbrëma, në qendër të rrugës së populluar me turistë.

Një numër i madh oficerësh policie janë në vendin e ngjarjes, raportojnë mediat franceze. Një helikopter është parë duke fluturuar në një lartësi të ulët mbi Paris, teksa departamenti i policisë lokale i kërkoi njerëzve që të ?shmangnin zonen e Champs Elysees? dhe të ndiqnin udhëzimet e policisë.

Një dëshmitar, i tha stacionit televiziv francez BFM se dëgjoi të shtëna, pa trupa njerezish të shtrirë në tokë dhe zonën që u evakuua shpejt nga policia.





Lajmet e fundit nga