Vettingu-Nazarko: Manovra të dhunshme!/Çani: Kush do ta marrë në dorë drejtësinë

11 Prill 2017, 20:33, Aktualitet CNA

Situata politike aktuale dhe seanca e jashtëzakonshme parlamentare për vettingun ishin në fokus të debatit mbrëmjen e sotme në emisionin ?Studio e Hapur? të gazetares Eni Vasili në ?News24?.

Të ftuar në studio ishin analistët Arian Çani, Shpetim Nazarko, Ilir Kulla si dhe juristi Çlirim Gjata. Duke iu referuar miratimit të kandidaturave për komisionin ?ad hoc? të dy deputetëve të Partisë Socialiste Vasilika Hysi dhe Ulsi Manja si dhe atij të LSI-së, Luan Rama, pa praninë e opozitës, Çlirim Gjata tha se ky komision është i vlefshëm, por nuk është funksional.

?Komisioni është i vlefshëm, por nuk është funksional. Duhet shumica e kuorumit 6+1. Është ngritur vetëm gjysma e vettingut. Institucionet e reja mund të themi se janë të pezulluara. Këshilli Lartë i Drejtësisë nuk ngre dot SPAK apo institucione të tjera. Nëse nuk ngrihen institucionet e reja brenda 8 muajsh do vijojnë të jenë në detyrë aktualet?- tha Gjata.

Ndërkohë për analistin Shpëtim Nazarko, tha se 8 muaj pasi Kuvendi votoi në mënyre unanime ligjet e vettingut, sot u tregua se votimi i atëhershëm nuk vlen, pasi komisionet nuk vlejnë nëse nuk merr pjesë edhe opozita.

?Nuk jam jurist, por kam dëgjuar se kjo histori mund të inkuadrohet në manovra të dhunshme. Ai votimi që u bë në korrik me 140 vota po del tani që nuk është asgjë. Nëse në korrik këta menduan se bënë diçka, në fakt nuk kanë bërë asgjë. Opozita ka gjithmonë sensin e bllokimit. Këto komisione nuk janë funksionale nëse nuk merr pjesë opozita. 140 votat ishin një ngritje dore që nuk ka asnjë vlerë. Ata ngritën dorën për të bllokuar vettingun. Trimëria e kësaj klase politike ka një kufi. Mendoj se ndërkombëtarët do e bindin klasën politike?- tha Nazrako.

Sakaq analisti Ilir Kulla tha se: ?Reforma siç u nis me konsensus duhet të përfundojë me konsensus. Kjo reformë ose kalon me konsensusin e të gjithëve, ose nuk kalon. Seanca e sotme pasqyroi realitetin politik ku ne ndodhemi?.

Analisti Arian Çani komentoi fjalën e kryeministrit Rama, ku u shpreh se ?vettingu do bëhet, ose do bëhet?. Çani tha se Rama po luan lojë, pasi nuk e do vettingun. Ai tha se ndërkombëtarët duan të marrin në dorë drejtësinë në Shqipëri.

?Unë mendoj se Rama edhe mos të ketë asgjë, ai po luan me bllofin. Ai po na tregon se është një lojtar i paparë. Rama nuk e do vettingun. Askush nuk do që vettingun ta marrin në dorë ndërkombëtarët. Kur ai thotë o do bëhet o do bëhet, ai shantazhon. I vetmi i fituar në këtë rast është Rama. Basha bën mirë që nuk shkon. Por çfarë është kjo zhurmë? Pra janë disa ndërkombëtarë që duan të marrin drejtësinë në dorë. Unë mendoj se e gjitha kjo është një lojë. Askush nuk mendon për ne. Unë nuk shoh vetëm Shqipërinë, por shoh edhe vendet e tjera?- tha Çani./BW