E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Nga GJERGJ THANASI/20 vjet nga Misioni ALBA,kujtesë për ministren Kodheli

11 Prill 2017, 18:15, Aktualitet CNA

Njëzetë vjet më parë Shqipëria ishte përfshirë në një anarki totale e shkaktuar sa nga tahmaja për pushtet e Presidentit Berisha, i cili për hir të këtij pushteti kishte toleruar skemat piramidale , aq edhe nga etja po për pushtet e ish komunistëve shqiptarë, të cilët po e merrnin pushtetin me pushkë ashtu sic e kishin edhe traditën e tyre politike. Italia fqinje dhe mike e Shqipërisë e gjendur përballë një vale refugjatësh shqiptarë të ngjashme me ato të eksodit të marsit dhe gushtit 1991, pas krimit shtetëror të mbytjes së Katerit të Radës, intesifikoi përpjekjet diplomatike për dërgimin në Shqipëri të një force ushtarake shumëkombëshe. Italianët, megjithë kundërshtimin diplomatik amerikan arritën që të merrnin nga OKB-ja mandatin për të komanduar një forcë të armatosur shumëkombëshe, që duke u stacionuar në Shqipëri do të mundësonte një stabilitet të brishtë, por të mjaftueshëm për të mbajtur zgjedhjet politike të pranueshme për situatën. Këto palë zgjedhje do të shërbenin si mami për të pjellur një pushtet legjitim (me zgjedhje jo me kallashnikov) për të majtën ish komuniste shqiptare.

Kontigjenti ALBA

Misioni ALBA do të mbiquhej kontigjenti shëmkombësh, i kryesura nga italianët, që do të zhvillonte veprimtarinë në Shqipëri nga data 13 prill 1997 (zbarkimi i trupave shumëkombëshe në Durrës filloi më 16 prill) dhe do të vazhdonte deri në 12 gusht 1997. Në Misionin ALBA morrën pjesë ushtarakë nga Italia (mbi 2 500 trupa), Franca (1000 trupa), Turqia (750-800 trupa), Greqia (800 trupa), Spanja (350 trupa), Rumania (400 trupa), Austria (120 trupa) dhe Danimarka (60 trupa) me një efektiv të përgjithshëm prej 5 500 forcash. Këto forca të mekanizuara ishin pajisur ërvec armatimit individual edhe me artileri vetëlëvizëse ?Centauro? italiane me topa 105 mm (një kompani tankesh ?Leopard 2? nuk u pa e arsyeshme të sillej nga Bari në Durrësi) dhe ASPA ?AMX 10 RC? po me top 105 mm, në armatimin e kontigjentit francez e deri te fuoristradat e blinduara lehtë ?ARO-t? rumune apo ?Wolksëagen-et? danezë. Transportjerët e blinduar APC ishin të shumëllojshëm, që nga ?BTR 80? rumune te ?VAB? francezë, nga? Pegaso BMR-të? spanjolle te xhipat ?Peugeot? të blinduar lehtë me aftësi të kufizuara amfibe në përdorim të kontigjentit grek.

Misioni ALBA, ndonëse zyrtarisht detyrë kryesore pati mbrojtjen me armë të shpërndarjes së ndihmave humanitare (rreth 5 700 ton ushqime, ilace, farëra bujqësore dhe veshje), faktikisht ia arriti qëllimit të vet duke siguruar një minimum qetësie dhe rendi publik sa për të zhvilluar zgjedhjet. Kuptohet ishin zgjedhje ?në nivelin demokratikisht të pranueshme për gjendjen dhe rrethanat aktuale të Shqipërisë?, sic i cilësoi Prezenca e OSBE-së në Tiranë zgjedhjet e vitit 1997.

Gjatë zhvillimit të këtij misioni trupat shumëkombëshe patën vetëm 2 të plagosur nga shkaqe aksidentale dhe në tre raste shkëmbyen zjarr me individë apo grupe të armatosura shqiptarësh. Karabinierët dhe bersalierët italianë hapën zjarr në dy raste në Vlorë dhe grekët vranë një shtetas shqiptar në Elbasan.

Përgjithsisht oficierët komandues të kontigjentebe të ndryshme ushtarake bënë goxha karrierë pas Misionit ALBA. I ndjeri kol. Ioan Sorin komandanti i grupit të luftimit ?Sfant Gheorge? të trupave rumune në vitin 2007 u emërua zv/shef shtabi i ushtrisë rumune me gradën gjen/maj. Komandanti i regjimentit Vega të kontigjentit Italian nën/kol. Danillo Errico ka pasur një karrierë brilantedhe sot është shef i shtabit të përgjithshëm të ushtrisë italiane me gradën gjen/kol (gjeneral korparmate).

Italianët organizuan një ceremoni zyrtare për të përkujtuar 20 vjetorin e Misionit ALBA. Në ceremoninë zyrtare krahas Shefit të shtabit të përgjithshëm të ushtrisë italiane gjen/korparmate Errico morën pjesë edhe tre shefat e shtabit (tokësor, ajror dhe detar) si edhe komandantët e reparteve italiane pjesëmarrëse të Misionit ALBA.

Kujtesë për ministren Kodheli

Nuk është vonë, që edhe Ministria e Mbrojtjes e Shqipërisë të zhvillojë aktivitet përkujtimor për 20 vjetorin e Misionit ALBA. Një përkujtimore e tillë këto ditë, kur kriza politike po troket përsëri në dyert e Shqipërisë, ndoshta do të shërbente edhe për t?i kthjelluar sado pak politikanët tanë se, ku mund të cojë e cfarë rezultatesh të tmerrshme mund të prodhojë një ashpërsim i klimës politike deri në maksimum. Për vetë ministren Kodheli viti 1997 ishte mjaft i mbarë, sepse krijoi premisat, që zonja në fjalë nga refugjate në Itali e punësuar si telefoniste në firmën bareze SERECO SRL, të kishte një karrierë brilante në Bashkinë e Tiransë, Prefekte e Tiranës, deputete e deri ministre e mbrojtjes.

Këto shembujt e mësipërm shërbejën për të ilustruar edhe faktin, se pse në gjuhën Mandarin fjala krizë përbëhet nga dy hieroglife, që përkthehen rrezik dhe oportunitet (mundësi për të përfituar)!