Top-Channel, si televizioni i Rilindjes

11 Prill 2017, 17:17, Aktualitet CNA

Një nga mediat që dikur ishte kampione e audiencës, ekrani i preferuar i shqiptarëve, sot nuk duket të jetë më një Top i vërtetë mediatik. Kjo për shkak të sigletit të madh që ka kjo media, që në studio ka ngjyrën jeshile, kur në fakt, nisur nga shtrirja e ish punonjësve të saj në strukturat qeverisëse, do ti shkonte më shumë ajo mavi e Rilindjes.

Pas një investigimi, Citynews, po sjell disa nga emrat e drejtuesve të djeshëm të Top- Channel, të cilët mbanin lart frymën ?revolucionare? të kësaj mediaje gjatë kohës kur vendin e qeveriste PD. Të medias kombëtare që pretendonte dhe pretendon pavarësi e liri mediatike, por që sot shumicën e drejtuesve të saj të lartë e ka të shpërndarë në krye të insitucioneve zyrtare që qeverisen nga Rilindja.

Pas hipjes në pushtetin qeverisës të rilindasit Edi Rama, Vjollca Hoxha,duket se është kujdesur më shumë për ti gjetur strehim zoqve të saj tek Rilindja, ndërkohë që duke shfrytëzuar shërbestarinë ndaj opozitës së djeshme dhe pozitës së sotm, jo pak të tjerë topchannelistë ja kanë dalë të gjejnë fole tek Rilindja e Ramës, pa patur nevojën e ndihmës së Vjollcës, pronares, presidentes e administrator, që ka vetëm rreth 7 % të aksioneve. Lista e të tillëve është e gjatë, por këtë herë Citynews po sjell vetëm disa prej tyre. Ata të hierarkisë më të lartë, që pas turbullimit të ujrave në Top-Channel, kapërcyen në barkun e qeverisë.

Enkeleid Joti, ish drejtori i Përgjithshëm I këtij televizioni dhe një nga themeluesit e tij, ka gjetur strehim qevritar duke u emëruar drejtor i QSUT ?Nënë Tereza?.

Skerdi Drenova, is zvendësdrejtori i Përgjithshëm i Topit sot është drejtor Inspektoriatit të Urbanistikës në Bashkinë e Tiranës.

Belina Balluku, në vitin 2013, menjëherë pas fitores së Rilindjes u emërua si drejtoreshë e Albcontrol, post të cilin e mban edhe sot e kësaj dite.

Bledar Zaganjori, ish drejtori i informacionit të Top Channel, u emerua në të njejtën pozitë, pra si drejtori informacioni në TVSH.

Gazetari Muhamet Veliu, pasi iku nga Topi, për një periudhë kohe punoi si zëdhenës i Ministrisë së Ekonomisë. Po ashtu dhe kolegia e tij, Rovena Moçka, ka gjetur strehim si zëdhenëse shtypi në Ministrinë e Punëve dhe Çështjeve Sociale…

Këta janë disa nga të paktët emra që sjell Cityneës pasi përfituesit, nga qeveria e Rilindjes, janë shumë e më shumë, pa futur tenderat e përfitimet e tjera të Vjollaca Hoxhës dhe kompanive të saj.

Sollëm emrat e mësipërm për të theksuar se sa i pavarur ka qenë TOP CHANEL, që gjithë ish drejtuesit e tij i ka tashmë në nivelet e larta të strukturës qeverisëse. Media e ?Pavarur? dje është po kaq e ?pavarur? edhe sot. /CityNEWS