REDAKSIONALE/Gjunjëzohet Ilir Meta, LSI nuk ka surpriza

11 Prill 2017, 18:00, Aktualitet CNA

Në seancën e jashtëzakonëshme LSI nuk ka bërë tjetër veçse ka bashkuar votat e deputetëve të vet me ato të homologëve socialistë dhe me rezultanten 84 vota ?pro? kanë miratuar kandidaturat e tre anëtarëve të Komisionit të vettingut, Vasilika Hysi, Ulsi Manja dhe Luan Rama.

Ky veprim i grupit të deputetëve të Ilir Metës ka ardhur ndërkohë që ditë më parë ishte njoftuar se këtë seancë të jashtëzakonëshme Ilir Meta do ta përdorte për të tërhequr ministrat e tij nga kabineti Rama. Do të dorëzonte karriget për ti hapur rrugë zgjidhjes së krizës, sikurse ai vetë ka perifrazuar ditë më parë. Gjë që jo vetëm nuk ka ndodhur, por kjo seancë parlamentare e jashtëzakonëshme, ka qenë më e qeta dhe më e zakontë se të zakonshmet.

Pasi duke përjashtuar braktisjen e karrigeve nga deputetët e rilindjes në momentin kur fliste Ben Blushi, asgjë tjetër nuk ka qenë spikatëse. LSI ja dha të gjitha votat e grupit të saj parlamentar, dy kandidatëve të përzgjedhur nga socialistët për të qenë pjesë e Komisioni të Vettingut, dhe këta të fundit, bën të njejtën gjë për kandidatin e paraqitur nga LSI. Pra me unanimitet, me ?qetësi e dashuri?, dy palët politike koalicioniste, PS-LSI, që deri më sot kanë luajtur ?lojë luftash? me shoqa-shoqen, ndërsa pritej beteja finale për zgjidhjen e krizës, vijuan krushqinë.

Duke lënë ende në xhirro vazhdimësie dy lajme: njërin me marrëveshjen e arritur në drekën e ?peshkut? dhe tjetrën për tërheqjen e ministrave të LSI, nga kabineti Rama, në seancën e sotme të jashtëzakonëshme parlamentare.

Janë lajme të nxjerra sa nga burimet konfidenciale të Metës e Ramës, aq edhe nga deklarimet e këtyre të fundit. Nga pozicionimi i Ramës e Metës, që veç pak ditë më parë ngriti zerin e në atdhedhimbsuri e sipër dha deklaratën se ishte gati të sakrifikonte karriget e pushtetit, për të ndalur krizën. Në fund të gjitha këto rezultuan si ky i sotmi: me bashkim unanim votash. Ndaj nuk është çudi që, si në këtë rast,në të kundërt të asaj çka më shumë se një herë ka deklaruar, Ilir Meta të shkoj të regjistrohet për zgjedhje edhe nëse opozita nuk hyn në zgjedhje. /CityNEWS