web counter
LEXO PA REKLAMA!

SHKARKO APP

App Store
Google Play

Deputeti i PD zbulon bisedën me kolegun e majtë/Pse u restaurua shtëpia e Enver Hoxhës?!

11 Prill 2017, 20:07, Aktualitet CNA

Deputet i Partisë Demokratike, Luçiano Boçi, ka zbuluar bisedën me një koleg të majtë për restaurimin e shtëpisë së diktatorit Enver Hoxha nga qeveria.

Në rrjetet sociale, Boçi shkruan se sipas deputetit të majtë shtëpia e Hoxhës tërhiqte më shumë turistë.

Ja reagimi:

Në tetor 2016 Qeveria Austriake vendosi shkatërrimin e shtëpisë së lindjes së Hitlerit, me qëllim pengimin e inkurajimit të grupeve neonaziste.
Po këtë vit, Qeveria jonë “e ndritçme”, vendosi restaurimin e shtëpisë së diktatorit Hoxha.
Mos harrojmë se shtëpinë e Fishtës e ka lënë në mëshirë të fatit e jo vetëm atë, por dhe të shumë figurave të ndritura të kombit.
Në një debat për këtë temë me një deputet të majtë, ky i i fundit u mbrojt me një argument të djathtë: kjo e Hoxhës sipas tij tërhiqte më shumë turistë!
Prandaj duhej bërë në vend të asaj të Fishtës!?
Për të qeshur e të qarë bashkë.
Sepse për këta nuk është vetëm nostalgjia dhe trashëgimia që i orienton, por mbi të gjitha propaganda.
Tragjike është se këta duan me cdo kusht imponimin e të gjykuarit e të vështruarit me syrin e normales, të një regjimi që shkatërroi mijëra familje dhe të ardhmen e vendit për dekada me rradhë.
Komike është se “turistë” konsiderojnë vetëm të huajt.
Këta tanët, nuk e ka keq, nuk i quajnë të tillë, sepse i çojnë në fakt institucionet me zor, sidomos shkollat!
Kjo ka gjasa të ngjajë dhe me këtë shtëpi. Pra në këtë pikë sipas këtij deputeti ne “ja kemi hudh” dhe Austrisë!?
Do bëjmë lekë si shtet me Diktatorin!? Palaçalliqe të një kohe të mbrapshtë!!!/CityNews





Lajmet e fundit nga