web counter
LEXO PA REKLAMA!

SHKARKO APP

App Store
Google Play

E fundit!

x

A provokoi Meta me tolerimin e Blushit?!

11 Prill 2017, 18:45, Aktualitet CNA

Kuvendi u mblodh sot në një seancë të jashtëzakonshme, të thirrur nga kryetari Ilir Meta. Në seancën, që zgjati vetëm pak minuta, u zgjodhën tre anëtarët e komisioneve të Vettingut, që ishin dy të PS dhe një i LSI. Ndonëse ishte një seancë mjaft e shkurtër, mbase ndër më të shkurtrat të thirrura ndonjëherë, nuk kanë munguar dhe surprizat.

Në fakt nuk ndodhi asgjë nga ato që pritej, tërheqja e ministrave të LSI dhe mocioni i mosbesimit nga Ilir Meta poër Edi Ramën, por përkundrazi. E para ishte përjashtimi i PDIU nga komisionet ad hoc të Vettingut, një vendim ky që pritet të sjellë dhe largimin e kësaj force politike nga koalicioni. Menjëherë pas këtij vendimi në Kuvend mori fjalën kryetarja e grupit të PDIU, Mesila Doda, e cila hodhi akuza të ashpra ndaj mazhorancës, duke thënë se shkatërruan koalicionin.

Përtej kësaj, surpriza e dytë ishte kreu i LIBRA-s, Ben Blushi. Ky i fundit ishte personi i dytë dhe i fundit që mori fjalën në seancë plenare. Ndonëse Mesila Doda kishte një arsye për të marrë pak kohë nga kjo seancë e rëndësishme, për Ben Blushin koha nuk ishte e nevojshme. Por, kryetari Ilir Meta vendosi t?i japë fjalën atij, e cila në fakt nuk u prit aspak mirë nga socialistët dhe vetë kryeministri Edi Rama.

Blushi filloi me akuzat e forta me të marrë fjalën, por kryeministri Rama dhe deputetët e tij lanë menjëherë sallën, duke u larguar. Meta e dinte mirë që Blushi do të shpërthente me akuza ndaj Ramës, ndaj dhe tolerimi që ai i bëri mund të ishte dhe një provokim ndaj aleatit në bashkqeverisje, Edi Rama./CityNews





Lajmet e fundit nga