web counter
LEXO PA REKLAMA!

SHKARKO APP

E fundit!

x

Sulmi ndaj gazetarit Fundo/OSBE: Autorët të vihen para drejtësisë!

9 Mars 2017, 11:47, Aktualitet CNA

Përfaqësuesja e OSBE-së për Lirinë e Medias, Dunja Mijatoviç, sot dënoi sulmin ndaj gazetarit Elvi Fundo në Shqipëri. Fundo, drejtor i portalit të lajmeve Citynews.al, u rrah nga sulmues të panjohur në afërsi të stacionit të trenit në Tiranë. Gazetari është shtruar në spital.

“Unë besoj se autoritetet duhet të hetojnë sulmin dhe duhet të vendosin përgjegjësit para drejtësisë”, tha Mijatoviç.

Përfaqësuesja përshëndeti dënimin e sulmit nga ana e kryeministrit Edi Rama, Unionit të Gazetarëve Shqiptarë dhe Autoritetit të Mediave Audiovizive dhe tha se ishte në dijeni për nisjen e hetimeve.

Përfaqësuesja e OSBE-së për Lirinë e Medias vëzhgon zhvillimet mediatike në të 57-a shtetet pjesëmarrëse të OSBE-së. Ajo paralajmëron në kohë për shkeljet e lirisë së shprehjes dhe lirisë së medias, si dhe promovon respektimin e plotë të angazhimeve të OSBE-së për lirinë e medias./CityNews





Lajmet e fundit nga