web counter
LEXO PA REKLAMA!

SHKARKO APP

App Store
Google Play

E fundit!

x

Qëllimi i “hundleshëve” që dhunuan Elvi Fundon

9 Mars 2017, 10:57, Aktualitet CNA

Pedagogu i Departamentit të Gazetarisë, Zylyftar Bregu, ka reaguar për dhunën e ushtruar ndaj gazetarit Elvi Fundo.

Bregu shkruan se Fundo ka qenë gjithmonë antikonformist, që sipas tij, është dhe tipari kryesor i një gazetari.

Më tej, pedagogu shkruan se ?hundleshët? që e dhunuan dje kishin motiv ta përmirësonin Elvin profesionalisht, por donin ta trembin ose ta linin sakat.

Ja reagimi i plotë:

Elvi Fundo ka qenë një ndër studentët e gazetarisë që ishte në prag të diplomimit kur unë nisa në Departamentin e Gazetarisë.
Prej asaj kohe, ai ka pasur një karrierë, si shumica e gazetarëve, herë në redaksitë që zbulojnë mëkatet e pushtetit e herë në zyrat që tentojnë të manipulojnë redaksitë e mediave. Por gjithmonë ka qenë antikonformist. Tipari kryesor i një gazetari.

Gjithmonë transparent për pozicionin që ka zgjedhur. Edhe pse herë herë duke i rënë më qafë standardeve profesionale të objektivitetit, balancës, pse jo dhe ndershmërisë. Pavarësisht cenimit të standardeve profesionale, unë nuk besoj që ata ?hundleshët? që e dhunuan dje, kishin si motiv që ta përmirësonin Elvin profesionalisht.
Ata kishin si qëllim në rastin më të mirë ta trembnin e në rastin më të keq ta linin sakat. Prandaj legjitimimi i dhunës ndaj tij, dhe ndaj cilitdo gazetar, sidomos kur vjen nga i ngjashmi, është më së paku cinik./CityNews





Lajmet e fundit nga