E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Braho i Metës godet fort Lindën e Ramës

3 Mars 2017, 19:33, Aktualitet CNA

Spartak Braho deputet de jure i PS-së dhe njeriu besnik de facto i Ilir Metës pak ditë më parë pyeti Agim Ismailin drejtorin e komanduar të Drejtorisë së Parandalimit të Pastrimit të Parave, nëse ka ndonjë bankë të nivelit të dytë, që merret me pastrimin e parave. Pati mjaft pikëpyetje pse njeriu super besnik i kryetarit Meta e bëri një pyetje të tillë. U hamendësua se kjo ishte një përpjekje për t?i vënë gjobë ndonjë banke të nivelit të dytë. U mendua edhe si një goditje e Metës kundra Berishës për shkak të lidhjeve familjare të CEO-së së Credins Bank me Berishën. Tashmë një investigim i gazetares veterane Anila Basha zbuloi edhe shenjestrën e vërtetë të pyetjes së deputetit Braho për drejtorin anti riciklimit të parasë së pisët.

Nga investigimi i zj. Basha rezultoi se ABI Bank pronë e kompanisë Transit ShPK me dy pronarë kompanitë: N.C.H. Balkan Fund e rregjistruar në parajsën fiskale Cayman Islands me nr. Rregjistrimi MC-15214 dhe kompania New Century Holdings XI, LP. Me Nr. Regjistrimi CR-10711 po ashtu e inkorporuar në Cayman Islands, ka si anëtar të këshillit drejtues zj. Lindita Rama (Xhillari-Basha). Banka në fjalë bleu Bankën Credit Agricole në tetor 2015, ndërsa në 4 janar 2015 u pajis me linshensë për bankë të nivelit të dytë nga guvernatori i Bankës së Shqipërisë z. Genti Sejko. Në 7 janar 2016 për koincidencë bashkëshortja e kryeministrit Rama emërohet anëtare e këshillit drejtues të ABI Bank.

Meta me? gurin? e Brahos ?vret? dhe Ramën dhe Lu-në!

Nëse deputeti Braho ka vërtet fakte që Abi Bank ka pastruar para terroristësh, apo që kanë shërbyer për financimin e terrorizmit, anëtarët e këshillit drejtues të bankës në fjalë amerikanë, shqiptaro-italo-amerikanë dhe shqiptarë do të përballohen me vartësit e z. Llalla, të cilët janë nën presion dhe shantazh publik nga z.Lu (anullimi me ceremoni i vizave të tyre amerikane). Nëse Sh.T. ambasadori amerikan Tongzhi (??)Lu ndërhyri direkt te kryeprokurori Llalla me gojë e me shkrim për të mbrojtur kompaninë de jure kanadeze Bankers, kësaj rradhe e ka të pamundur të mbrojë të tillë shtetas amerikanë, anëtarë të këshillit drejtues të një banke me pronarë anonimë të fshehur pas legjislacionuit të parajsës fiskale Cayman Islands. Në Shtëpinë e Bardhë tashmë nuk është më një ?qiraxhi? abbrozantissimo sic shprehej Kavalier Berluskoni, por një Donald gjysëm skocez dhe gjysëm gjerman, që nuk mund ta lejojë kurrsesi Donaldin te Rilindja Ridge të bëjë avokatin mbrojtës të shpëlarsve të parave të pista, që ndër të tjera shërbejnë për të finacuar edhe aktet terroriste të kasapëve të Daesh-it.

Sipër koincidencë një nga anëtarët e këshillit mbikqyrës të kësaj banke është edhe z. Mark Crawford, i cili ka aksione edhe te koncesionari Shafran-Aleat-Sagem, që prodhon pasaportat dhe kartat e identitetit biometrike për shtetasit shqiptarë. Ky koncesion u kritikua shumë nga socialistët në opozitë, por u rifirmos nga ministri Tahiri zgjatja e po këtij koncesioni menjëherë, sapo u bë ministër duke rifirmosur cfarë kishte firmosur në ikje e sipër ministri demokrat Flamur Noka.

Nëse prokuroria do nisë hetimet për shpëlarje parash me qëllim financimi të veprimtarisë terroriste, nuk ka asnjë mundësi, që anëtarët e këshillit drejtues të Abi Bank qoftë shtetasit e huaj me shtetësi amerikanë si Lorenzo Roncari, Mark Crawford, Richard Lukaj, qoftë shtetasit shqiptarë si Andi Ballaj e Lindita Rama (Xhillari-Basha) t?i shpëtojnë përballjes me drejtësinë. Fatmirësisht kësaj rradhe kryeministri Rama e ka vështirë ta shesë zj. Lindita ashtu sic shet rëndom shokë, miq, bashkëpunëtorë etj, sepse ligjërisht zj.Lindita është e ema e djalit të z. Rama.

Me një lëvizje të tillë dyshja Meta-Llalla i jep një shah-sheh dyshes Rama-Lu. Mbetet për të parë se kush është ?mbretëresha?, që do hajë kryeparlamentari dhe kryeprokurori në këtë lojë shahu politik të nivelit të lartë dhe ndërkombëtar.

Si përfundim mund t?i themi me plot të drejtë gazetares Basha Chapeaux! Të lumtë për këtë investigim gazetaresk, që ishte guri mungues në ?mozaikun? e lidhjes së politikës së lartë me bankat dhe shplarjen e parave të pista në Shqipëri.

GJERGJ THANASI