web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Konfirmohet tryeza mazhorancë – opozitë

3 Mars 2017, 16:48, Aktualitet CNA

CityNews ka mësuar se mazhoranca dhe opozita pritet të ulen në një tryezë të përbashkët.

Burimet i thanë CityNews se palët kanë konfirmuar në parim pjesëmarrjen në takimin që do të zhvillohet së afërmi.

Negociatat mes palëve u çelën pas ofertës së mazhorancës, e cila paraqiti 3 shtyllat për diskutim që ishin Reforma në Drejtësi, Reforma Zgjedhore dhe lufta kundër kanabisit.

Nga ana tjetër, Partia Demokratike, përmes një deklarate u duk sikur pranoi propozimet e mazhorancës, duke shtuar si pikë shtesë zbatimin e ligjit për dekriminalizimin.

Një inkurajim për këto negociata pritet të japë edhe Shefja për Politikën e Jashtme në Bashkimin Europian, Federica Mogherini, e cila do të zhvillojë sot takime me të gjitha palët.

Ndërkohë, negociatat mes palëve, pritet të përfshijnë përveç Ramës dhe Bashës edhe eksponentë të tjerë. Kreu i PD, Lulzim Basha, është shprehur se opozita është e gatshme për dialog të vërtetë dhe jo për fasada.

Citynews mësoi se tryeza për bisedimet mes palëve do të mblidhet shumë shpejt, por pritet të konfirmohet orari dhe vendi. Në parim, palët kanë pranuar çështjet për të diskutuar dhe Rama ka dhënë një ofertë për opozitën.

Kryedemokrati Lulzim Basha duket të jetë në një pozicion tepër të vështirë pas qëndrimeve publike ku ka deklaruar se ai do të dorëzohet vetëm kur të dorëzohet Rama dhe qeveria./CityNews





Lajmet e fundit nga