E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

A do ta pranojë Basha ofertën e Ramës ?

3 Mars 2017, 16:04, Aktualitet CNA

Në orët në vijim pritet që zhvillimet politike të intensifikohen. Duket se ardhja e Shefja për Politikën e Jashtme në Bashkimin Europian, Federica Mogherini, sot në Tiranë ka vënë në lëvizje palët politike për ti dhënë fund krizës.

Hapi i parë konkret u krye nga mazhoranca, e cila pas takimit Rama-Meta, ofroi ka shtrirë dorën e bashkëpunimit, pas dy javësh protestë të opozitës.

Koalicioni qeverisës është i gatshëm të çelë tryezën me opozitën, duke bërë publike dhe tre pikat ku realizohet kjo marrëveshje.

Reforma në Drejtësi, Vettingu si dhe Reforma Zgjedhore dhe domosdoshmëria për një proces zgjedhor me besueshmëri të lartë, janë propozimet që u bënë publike pas takimit të mbajtur mes Ramës e Metës mëngjesin e sotëm.

Nga ana tjetër, CityNews ka mësuar se pjesë e ofertës së Ramës është largimi i Saimir Tahirit nga posti i Ministrit të Brendshëm, detyrë të cilën pritet ta marrë një personalitet i ofruar nga LSI, por i pranuar dhe nga opozita. Gjithashtu, CityNews ka mësuar se mazhoranca ka ofruar Avokatin e Popullit për PD si dhe dy drejtori të rëndësishme në Ministrinë e Brendshme që kanë lidhje me procesin e Vettingut siç është DISK dhe SHKB.

A do ta pranojë Basha ofertën e Ramës ?

Oferta e kryeministrit Edi Rama pas takimit me kreun e LSI, Ilir Meta, duket se është pritur pozitivisht nga opozita, e cila ka dalë në një deklaratë me kushtet e saj, ku përfshihej zbatimi i ligjit për dekriminalizimin, lufta kundër drogës, Reforma në Drejtësi dhe Reforma Zgjedhore.

Por, në asnjë fjalë nuk flitet për qeverinë teknike, e cila sipas Bashës do të garantonte zgjedhje të lira dhe të ndershme. Vetë kreu i PD, Lulzim Basha, është shprehur çdo ditë të protestës se largimi i Ramës dhe qeveria teknike ishin kushte të panegociueshme sepse ky ishte një vendim që e kishte marrë populli.

Nisur nga kushtet e opozitës, mund të thuhet se kryedemokrati Basha ka bërë një hap pas, duke u tërhequr nga kushti që vetë kishte artikuluar si të panegociueshëm. Nëse deklaratat e Bashës ishin thjesht presion apo kryedemokrati u desh ti nënshtrohej faktorit ndërkombëtar, këtë do ta tregojnë orët në vijim./ CityNews