E fundit!

07:34 Kosova & Bota

Dy tërmete të frikshme goditën vendin/ Trump: SHBA-ja është gati të ndihmojë Venezuelën

Presidenti i Shteteve të Bashkuara, Donald Trump, deklaroi...

Basha tradhëton protestuesit/ Braktis qeverinë teknike, kushte për të shpëtuar nga turpi

3 Mars 2017, 12:36, Aktualitet CNA

Koalicioni opozitar ka dalë me një deklaratë ku jep qëndrimin e saj, pas ftesës që i bëri mazhoranca qeverisëse për tu ulur në tryezën e bisedimeve.

Kreu demokrat Lulzim Basha, ka thirrur në takim krerët e koalicionit opozitar, duke dale më pas me një qëndrim. Në deklaratë ka vetëm katër kushte, nga të cilat disa janë në proces.

Flitet për zbatim të dekriminalizimit, ndërkohë çdo ditë deputetë po humbin mandate, flitet për luftë kundër drogës ndërkohë kryeministri zhvillon takim me krerët e policisë dhe prej 3 ditësh Policia e Shtetit ka nisur një operacion të gjerë në gjithë vendin.

Më tej deklarata flet për përgatitjen e zgjedhjeve dhe zbatimin e Reformës në Drejtësi sipas 22 korrikut.

Në asnjë fjalë nuk flitet për qeverinë teknike, që do çojë vendin në zgjedhje, të cilat ishin kryekushtet e Lulzim Bashës. Por në deklaratë thuhet ?një qeveri me mbështetje të gjerë politike?. Në fakt qeveria e ka mbështetjen jo vetëm të mazhorancës së 23 qershorit 2013, por edhe të një pjese të koalicionit të atëhershëm të PD siç është PDIU.

Basha duket se ka tradhëtuar të tijët, duke venë kushte për të shpëtuar nga turpi dhe për të dalë me vrap nga çadra pas dy javëve rezistencë. Njeriu i cili fliste se nuk do dorëzohej, ka lëvizur në disa qëndrime që kanë të bëjnë me kushte që janë në proces zbatimi ose nuk kishin aspak nevojë për një qëndrim si ai i Bashës, që nxorri demokratët në protestë për 2 javë i ngujoi në çadër dhe tashmë u tërhoq thjesht duke marrë disa garanci më shumë.

Ndodhi ajo që pritej Basha të tërhiqej me lugën bosh, megjithëse u mbështet nga të gjithë dhe ju dha kurajo në aksionin e tij politik. Deklarata e sotme është hapi i parë i tërheqjes dhe dështimi i Lulzim Bashës që nuk do mbyllet në këto takime dhe marrëveshje por pasojat pritet ti ketë në zgjedhjet e 18 qershorit.

Kesaj deklarate dhe qëndrimi të opozitës do ti shkonte shumë shprehja e huazuar nga një film ?këtu ka tradhëti burra?. Tradhëtarin të presim serinë e rradhës të filmit.