web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama ironi në Kuvend/ Vettingu, për ata që kanë mend

2 Mars 2017, 12:23, Aktualitet CNA

 

Kryeministri Edi Rama mbajti një fjalim të gjatë në Kuvend, ku u ndal te reforma në drejtësi dhe vettingu. Rama tha se reformën në drejtësi dhe vettingun e kërkon rreth 90% e shqiptarëve.

?Fillimi i vettingut është padyshim për ata që kanë mend, pra rreth 90 % e shqiptarëve. Pa asnjë diskutim rritja e ekonomike që ne kemi arritur përmes reformave është e pamjaftueshme. Kush ka pakënaqësi dhe inat në të cilën ndodhet, të vetmin aleat që ka është kjo shumicë qeverisëse. Edhe ne jemi të revoltuar në përpjekjen tonë për t?i hapur rrugë vetingut duke pastruar pallatin e drejtësisë si dhe pastrimin e rrugës nga një pengesë e madhe që është një nga arsyet pse Shqipëria nuk ka bërë aq sa duhet në 20 e ca vite, edhe pse Shqipëria mund të bëjë shumë më tepër me potencialet e veta?- tha Rama.

Duke folur për ekonominë, Rama tha se sot buxheti i shtetit ka të ardhura që nuk i kishte më parë falë vendosjes së disiplinës fiskale mbi kompanitë.

?Sot edhe vetë Albpetroli siguron të ardhura, jo si para 3 vjet e gjysmë që ishte gropë e zezë. Të gjitha këto rezultat i punës së qeverisë. Të vish t?i kërkosh llogari për kancerin e azmën, një qeverie që ka 3 vjet e gjysmë në detyrë është një përpjekje e dëshpëruar për të gënjyer njerëzit e dëshpëruar. Por, çdo qytetar, çdo prind, çdo kompani që mendon për të ardhmen ka vetëm një rrugë për të garantuar të ardhmen, aleanca me këtë shumicë. Asnjë aleancë tjetër nuk garanton rritje ekonomike. Çdo aleancë tjetër kthim në historirat që kemi 3 vjet e gjysmë që kërkojmë për t?u ndarë?, deklaroi Rama.

Kreu i qeverisë deklaroi se në 3 vitet e ardhshme rritja ekonomike do shkojë mbi 5% si rezultat i programit 1 miliard plus.

?Ne kemi filluar punën për të vënë në jetë një program 1 mld plus për rindërtim, rrugë, qendra shëndetësore dhe shkolla. Në 3 vitet e ardhshme e padiskutueshme që do shkojmë mbi 5% rritje ekonomike nga impakti i këtij programi por na duhet të rrisim investimet private dhe të huaja?, u shpreh ai.

Por, kryeministri theksoi se për rritjen e investimeve të huaja është e nevojshme siguria juridike.

?Nëse shohim hartën e investimeve të huaja në rajon, nuk është Maqedonia, është mbrapa nesh, është Mali i Zi i pari. Diferencën e bëjnë 3 investime në turizëm, që janë në harkun e afro 1 mld dollarëve. Investimet private. Shqipëria ka një potencial shumë më të madh në krahasim me Malin e Zi. Ka 2 dete, ka një peizazh shumë më atraktiv dhe ka potencialin e turizmit malor. Eksperienca e këtyre 3 viteve tregon qartë se siguria juridike e këtyre investimeve është A dhe Zh-ja?, tha Rama.

Më tej, Rama u shpreh se Vettingu bën një ndarje me ?thikë? brenda përbrenda sistemit të drejtësisë.

?Vettingu i hap rrugë këtyre investimeve. U bën të mundur që mos të kemi më kriminelë që arrestohen nga policia. Janë mbi 100 raste që i ka bërë publike ministri i Brendshëm para një viti. Kriminelë që arrestohen për vrasje, për përdhunim, dhe lirohen në sallën e gjyqit, pasi s?ka prova. Përdhunuesi ripërdhënon, vrasësi rivret. Vettingu bën një ndarje me thikë brenda përbrenda sistemit të drejtësisë, se kush është i përzër me krime, duhet të largohet dhe përballet me ligjin. Janë të panumërta rastet e nëpunësve të shtetit të vërtetuar ose larguar nga administratat për kontrabandë. Por sipas gjykatës ata janë të pafajshëm dhe duhet t?i paguajmë dhe pagën.?, tha ai. Po ashtu, Rama pohoi se shqiptarët do vendosin në zgjedhjet e 18 qershor, se cila qeveri do i drejtojë.

?Këtu do jemi prapë dhe do shohim si do vendosin shqiptarët në 18 qershor. Ndaj dua t?ju siguroj se të thuash që në ?Shqipëria ka papunësi, kjo është diçka që e dinë të gjithë?, por të luftosh papunësinë do të thotë ?të dish ta bësh?. Kjo shumicë di ta bëjë. Të thuash që në Shqipëri ka varfëri është e lehtë, por ta luftosh atë është një histori krejt tjetër. Të thuash që kanceri i varfërisë të luftohet me aspirina dhe pudër, kjo është mendjelehtësi. Shqipëria është më mirë se 3 vite më parë, por do bëhet më mirë. Kush e bëri më mirë? Kjo përpjekje dhe këto reforma që janë baza për të bërë shtet. Nuk janë pikëngritja. Llafet e tjera janë konsum i kohës dhe mënyrë për të siguruar një vend pune këtu në Parlament.?, përfundoi fjalën e tij kreu i qeverisë./CityNews





Lajmet e fundit nga