web counter
LEXO PA REKLAMA!

SHKARKO APP

App Store
Google Play

Efektivi i FNSH shpërthen në lot/ S’kam bukë, kam vajzën me sëmundje të keqe

2 Mars 2017, 10:54, Aktualitet CNA

?Arrest me burg? është masa e caktuar sot nga Gjykata e Shkodrës për efektivin e FNSH-së, Ardian Loci, i cili u arrestua në datën 28 shkurt, lidhur me akuzën për dekonspirim të operacioneve policore anti-drogë.

Gjatë seancës gjyqësore ai ka shpërthyer në të qara para trupit gjykues, duke rrëfyer problemet e tij ekonomike dhe sociale. Më tej ai është shprehur se është i pafajshëm.

?Kam 21 vite shofer në FNSH. I kam shërbyer shtetit me zemër e me mendje. Kam gruan të sëmurë dhe vajzën e sëmurë po ashtu, me sëmundje të keqe në kokë. Kam vajzën tjetër të vogël që s?ka kush ma çon në shtëpi. S?kam marrë asnjë shpërblim. Kam shtëpinë pa pllaka. E ndjej veten shumë të rënduar, aq sa të vras veten. Janë akuza te shpifura. S?kam bukë në shtëpi. Edhe një shpërblim që mora, kam shlyer borxhet dhe energjinë. S?kam patur lekë t?i paguaj vajzës ilaçet?, ka thënë efektivi i FNSH-së.

Referuar akuzave, ai ka rrëfyer se i ka çuar një thes me miell një shoku, pasi nuk kishte me çfarë ta merrte. ?Nuk i përkas asaj kategorie. I kam çuar një shoku një thes miell, se s?kishte me çfarë e merrte dhe i thashë mos më thuaj më ashtu se kushedi si merret, në rregull më tha. Si qenka, unë kam folur me një në lagje. Kam qenë në shërbim më përpara dhe sa shkova në shtëpi, duke ngrënë buke më arrestuan. Jam shume i zhgënjyer me këtë që më është bërë. Më falni për shqetësimin?, tha Loci. /CityNews

 





Lajmet e fundit nga