web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë e Blushit/Ja kur blihen zgjedhjet me paratë e drogës dhe krimit

2 Mars 2017, 11:07, Aktualitet CNA

Kreu i LIBRA-s, Ben Blushi, ka folur sot në Kuvend për zgjedhjet e 18 qershorit. Blushi u ndal gjatë fjalës së tij te dy amendamentet e kësaj force politike, dërguar në Kuvend për këtë çështje.

Një prej tyre ka të bëjë me numërimin elektronik, ndërsa tjetri për financimin e partive e kandidatëve. Ai bëri një deklaratë të fortë, teksa tha se zgjedhjet blihen përpara, me kaq shumë para që vijnë nga droga, kanabisi dhe krimi.

?Tema kryesore e ditës janë zgjedhjet. Komisioni i reformës zgjedhore dështoi. U mblodh vetëm 2 herë. Ne kemi propozuar dy amendamente. Numërim elektronik, nuk ka asgjë të parealizueshme, në 100 pika ku numërohen vota është plotësisht e mundshme, t?i heqim numëruesit e partive dhe të blejmë 100 makina, kjo zgjidh jo vetëm krizën, por jep besueshmëri, nuk është ofertë por nevojë për zgjedhje të besueshme. Me 100 makina që kanë kosto shumë më të ulëta se numëruesit ato janë të besueshme dhe plotësisht e përballueshme në aspektin teknik. Ky është amendamenti, detyrimi i kuvendit për të përcaktuar me ligj. Amendamenti i dytë lidhet me financimet: zgjedhjet blihen përpara, me kaq shumë para që vijnë nga droga, kanabisi, krimi.

Kush do i kontrollojë paratë për partitë. Dy partitë apo 3 partitë e vjetra. 50 mln euro të shpenzuara në fushatën e fundit. Më thoni një investim që ka kushtuar 50 mln euro në këto vite. Keni parë të ndërtohet një bord monitorimi të pavarur që të kontrollojë shpenzimet e fushatës. KQZ është politike. Ky debat duhet të hapet para zgjedhjeve. Ne kemi depozituar amendamentet në parlament. Shpresoj që ata që nuk janë milionerë në këtë parlament t?i votojnë se është për të mirën e tyre. 3 mln lekë të vjetra nga çdo deputet. Mos t?i marrim para shqiptarëve?, deklaroi Blushi.

LIBRA ka propozuar një formulë që parashikon shpenzime që nuk kalojnë më shumë se 10 lekë për banor, jo më shumë se 300 mijë lekë për kandidat mesatarisht dhe jo më shumë se 42 milionë lekë për parti./CityNews





Lajmet e fundit nga