Jaka: I domosdoshëm Vettingu edhe në politikë

28 Shkurt 2017, 21:49, Aktualitet CNA

Kreu i Dhomës së Tregtisë dhe Industrisë, Nikolin Jaka thotë në emisionin ?Ekopolitikë? të gazetares Aurora Sulçe në Ora News, se debatet për drejtësinë janë më shumë retorikë politike. Ai thotë se procesi i vettingut është i domosdoshëm edhe në politikë.

Pjesë nga bisedat:

Jaka: Besimi tek drejtësia është diçka e munguar tek sipërmarrja dhe qytetarët. Nuk dua të hedh baltë mbi gjithë sistemin e drejtësisë. Klasa politike bën retorikë për të zgjatur jetën e pushtetit. Asnjë palë nuk e duan. Kjo retorikë vazhdon duke ndërruar rolet, një herë në opozitës njëherë në mazhorancë. Kemi 26 vite që dëgjojmë vetëm retorikë. Ajo tendë nuk prodhon klasë politike. Realisht pres që opozita të jetë më dashamirëse që të orientojë dhe të detyrojë mazhorancën të miratojë një për një të gjitha ligjet. Ky është pakti që opozita duhet të bëjë me qytetarët. Unë ju siguroj që ato gjyqtarë që i ka vënë opozita e djeshme, për 24 orë mazhoranca i uzurpon. Ne do të kërkojmë edhe Vetting politik.

Ervin Bushati, deputet i PS: zt.Basha ka një çështje në gjykatë të pambyllur që është rruga Rrëshen-Kalimash. Nesër me një prokuror të ndershëm dhe burrë dhe një gjykatës të ndershëm dhe burrë, zt. Basha përballet me drejtësinë. Unë jam dakord me protestën dhe le të vazhdojnë edhe gjatë fushatës.

Dritan Shano, koordinator në PD : Shiko çfarë ndodh me Lezhën? Sa herë fut dorën, nxjerr një të inkriminuar. Shiko çfarë tha kandidati i radhës: kam bërë vetëm dy muaj?

Aranita Brahaj, përfaqësuese e Open Data Albania: Reforma në sistemin e drejtësisë është shumë e nevojshme jo vetëm për ekonominë makro, por edhe për biznesin e vogël. Është e rëndësishme për njerëzit me konflikte të vogla procedurale. Ne kemi problem me respektimin e ligjit të shtetit të së drejtës. Ka dhjetëra vendime gjykatash që presin për t?u zbatuar, ashtu sikurse ka djem dhe vajza që presin derisa të plaken për zbatimin e këtyre vendimeve. Ligjet nuk janë reformë, ligjet duan frymë që të japin rezultate.

Shano: Drejtësia është një çështje morali. Nëse Vettingu fillon nesër, efektet do të shfaqen pas zgjedhjeve. Pse PD ka marrë një qëndrim të prerë në këtë pikë? Nuk ka drejtësi pa konsensus, ndërkohë mazhoranca votoi një proces tashmë të mbyllur. Procesi është zbatuar nga Avokati i Popullit. Drejtësinë e duam të pastër dhe të pa helmuar nga njerëz që shenjat e gishtave i kanë në Evropë.