web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta, natën në çadër ditën në qeveri/LSI në rolin e prostitutës politike

28 Shkurt 2017, 18:32, Aktualitet CNA

Në prag të fushatës elektorale për zgjedhjet parlamentare të vitit 2017, LSI vijon të mos i japë përgjigje Partisë Socialiste për vazhdimin e koalicionit.

Përveç mungesës së një përgjigjeje, LSI dhe kreu i saj Ilir Meta, duket se nuk kanë hequr dorë nga intrigat politike dhe lajmet e sugjeruara për publikim në media.

Përveç kësaj, protesta e opozitës dhe çadra e ngritur mes kryeministrisë dhe Kryesisë së Kuvendit është parë nga Ilir Meta si një tjetër shteg për të vazhduar lojën e nisur politike.

Çadra e opozitës ka hyrë sot në ditën e 11-të të saj dhe LSI, ende nuk ka një pozicionim të qëndrueshëm. Pas darkës me Edi Ramën në kryeministri, u duk sikur u arrit një marrëveshje për vazhdimësinë e koalicionit, por në media, marketingu politik i LSI është ndryshe.

Në orët me diell, LSI dhe Ilir Meta shfaqen skeptik ndaj kërkesave të opozitës për qeveri teknike, për largimin e Edi Ramës, por edhe për vetë çadrën, nga ku lëshohen këto kërkesa. Kreu i LSI është shprehur se nuk pranon ultimatume nga opozita. Në ndryshim nga kërkesat e opozitës, Meta ka thënë se kriza duhet të zgjidhet me dialog.

Por, sapo dielli largohet dhe nata pushton Tiranën, qëndrimet e LSI ndryshojnë. Përfaqësues të kësaj force politike dalin në media me akuza ndaj ministrave të Partisë Socialiste dhe institucioneve që drejtohen prej saj. Duket sikur gjatë natës, kreu i LSI Ilir Meta futet në çadrën e opozitës, nga ku urdhëron vartësit e tij të sulmojnë Partinë Socialiste. Tanimë jo vetëm ?koka? e Ministrit Tahiri, por edhe ministra të tjerë janë shigjetuar nga Meta, pa lenë jashtë vëmendjes edhe reformën në drejtësi dhe rolin e ndërkombëtarëve.

Kjo lojë e Metës është e kuptueshme nga njëra anë për faktin e afrimit të zgjedhjeve parlamentare, ku  LSI kërkon të maksimalizojë votat, por nga ana tjetër, mbështetja e qeverisë, mos pranimi i kërkesave të opozitës gjatë ditës dhe ndryshimi me 180 gradë gjatë natës është pjesa që tregon se Meta mbetet sërish ?vejusha e zezë? që do përcaktojë fatin e zgjedhjeve të ardhshme dhe forca politike që duhet bindur nga PS ose PD për të qeverisur. Nëse njëra prej dy forcave te mëdha politike përballen se kush do të qëndrojë në opozitë, Ilir Meta e ka të garantuar pushtetin, kushdo qoftë forca e parë që do të dalë nga zgjedhjet e 18 qershorit.

Ilir Meta me LSI pas zgjedhjeve të 18 Qershorit, bëhet forca e parë politike me 12 vite në pushtet, që fle me PD dhe gëdhihet me PS. Roli i saj politik nga një shtrat në tjetrin vlen shumë, thuajse si ai i prostitutës në një shtëpi publike që është përjashtuar për imoralitet, por e duan të gjithë.





Lajmet e fundit nga