E fundit!

09:51 Aktualitet

Denoncimet për ndotjen e mjedisit në Dhërmi/ IKMT ndëshkon 5 biznese, pezullim dhe gjoba

Inspektorati Kombëtar për Mbrojtjen e Territorit (IKMT) ka...

Përplasja në Komisionin Hetimor të CEZ/ Shkëlzen Berisha: Provokim, Rama kërkon të mbulojë aferat

28 Shkurt 2017, 18:01, Aktualitet CNA

Shkëlzen Berisha, djali i ish-kryeministrit Sali Berisha, ka folur për mediat pas largimit nga Komisioni Hetimor i CEZ.

Ai tha se nuk pranon të dëshmojë në një Komision, i cili drejtohet nga Taulant Balla, i dënuar me vendim gjykate.

Sipas tij, ky është një teatër i vazhdueshëm i Ramës, i cili kërkon të mbulojë aferat e tij, si vjedhja e mbi 600 milionë euro nga CEZ, vila në Surrel, kalimin me makinë të kufirit nga Olsi Rama dhe njërit prej grupit të kokainës në Xibrakë, Genci Xhixha dhe nxjerrjen e kriminelëve dhe mbjelljen e kanabisit për qëllime elektorale.

Prononcimi i Berishës

Thirrja ime për herë të katërt është teatër politik i organizuar nga Edi Rama. Unë kam bërë detyrën time, por kam pasur si kërkesë që komisioni të mos drejtohej nga një njeri i dënuar për shpifje ndaj personit tim.

I dënuari drejton komisionin në shkelje të hapur të procedurës penale për konflikt interesi. E kemi parë publikisht se si ka shkelur procedurat kur ka hedhur poshtë pa votuar kërkesën time.

Ky është një teatër i vazhdueshëm i Edi Ramës. Këtë komisioni duhet ta dënojë vetëm i dënuari për shpifje, kemi të bëjmë me provokim. Prezenca e Ballës në votimin për kërkesën time e bën të pavlefshme.

Kam ardhur këtu për të dhënë dëshminë time, por nuk mund të pranoj që ky komision të drejtohet nga një person që shkel procedurat.

Unë kam këtu dokumentin që kam paguar taksat për tatimet në burim. Mbasi të vërtetohet kjo do dalë një gënjeshtër tjetër.

Ai ka vjedhur 600 milionë euro nga CEZ. Dërgoni një vlerësues pronash të vlerësojë vilën në Surrel. Sa taksa ka paguar Edi Rama për këtë vilë? Kryeministri kërkon të mbulojë faktet që vërtetojnë kalimin e vëllait të tij me makinë së bashku me një prej personave të Xibrakës Genci Xhixha. Ai kërkon të mbulojë nxjerrjen e kriminelëve nga burgjet për ti përdorur për qëllime elektorale.