Çfarë është vettingu dhe si tallet Rama me shqiptarët ?

27 Shkurt 2017, 16:14, Aktualitet CNA

Ditët e fundit, kreu i qeverisë Edi Rama po përpiqet të justifikojë protestën e opozitës me një argument siç është bllokimi i vettingut, proces i një reforme të cilën Rama e kërkon si flamurtar, por gjithmonë ka qenë penguesi dhe bllokuesi i saj i vërtetë.

Kryeministri është në versionin ?tjetër them dhe tjetër bëj?, faktet janë të qarta. Ai, për përfitim në opinionin publik gjen argumente të cilat janë pranë pritshmërive të qytetarëve dhe në cdo moment përpiqet që ato ti kthejë në favor të tij.

Në fakt, kryeministri Rama është bllokuesi i vërtetë i Reformës në Drejtësi që në hapin e parë. Ai nuk kërkoi reformë, por krijimin e disa institucioneve në varësi të tij. Më pas ndërhynë ndërkombëtarët.

Sot, opozita ndodhet në protestë, kreu socialist sërish thotë: vettingu dhe drejtësia. Por, është ai personalisht dhe qeveria e tij që e kanë çuar opozitën në hapat radikal. Në rast se kryeministri është i vërtetë dhe e do Reformën në Drejtësi ai e gjen zgjidhjen në tryezë me opozitën dhe nuk fshihet pas deklaratave personale apo ministrave të tij.

Gjithçka po bëhet cdo ditë e më shumë qesharake. Ilir Beqaj del dhe thërret për vetting, sulmon edhe opozitën. Ministri më hajdut i Edi Ramës na thotë se vettingu përmirëson shëndetësinë, a thua se sita që do kalojnë gjyqtarët dhe prokurorët do shtojë shtretërit dhe do shtojë kushtet në këtë sektor. A thua se vettingu do na shpëtojë nga koncesionet miliona dollarë të Ilir Beqës.

Çudia më e madhe, 3 ditë zgjat. Në Shqipëri, për interes të kryeministrit na thonë se vettingu bën mirë për shëndetin, për energjinë, për bujqësinë, për energjitikën, ndoshta bën mirë për kujdesin shëndetësor për vetë kryeministrin dhe shumicën e ministrave. Në fakt janë këta të fundit që e pengojnë procesin e vërtetë të transparencës në sistemin e drejtësisë.

Është qeveria, ajo dhe vetëm ajo, mazhoranca socialiste, që vettingun dhe cdo proces tjetër mund ta zgjidhin thjesht dhe vetëm duke bashkëpunuar me opozitën, jo duke dashur ta kenë atë vasale dhe instrument të pushtetit thjesht dhe vetëm se duhet opozitë.

Prandaj, kryeministri, i cili e di mjaft mirë këtë fakt ,përpiqet që topin ta çojë tek opozita apo edhe të tallet me shqiptarë, siç bën me ilir Beqajn kur thotë se vettingu bën mirë për shëndetësinë./CityNews