web counter
LEXO PA REKLAMA!

SHKARKO APP

App Store
Google Play

Leksion marrëzie e “sallatë” fushate me studentët/Rama ngatërroi “kekun me byrekun”

27 Shkurt 2017, 13:51, Aktualitet CNA

Deputeti i Partisë Demokratike, Loçiano Boçi, komentoi vizitën e kryeministrit Edi Rama sot në Elbasan, ku u takua me studentët e universitetit ?Aleksandër Xhuvani?. Boçi deklaron se Rama shkoi në këtë universitet pas katër vitesh në pushtet, duke bërë ?leksion? marrëzie, ku ngatërroi ?kekun me byrekun?. Sipas tij, kryeministri nuk pati kurajo t?iu tregojë të vërtetën pedagogëve dhe studentëve, ndaj dhe iu ?griu sallatë? fushate.

Ja çfarë shkruan Boçi:
Rama pas katër vitesh në pushtet, shkoi sot në Universitetin e Elbasanit. Po bënte “leksion” marrëzie, ku si kudo “ngatërroi kekun me byrekun”. Ju hap pedagogëve si “marinar” i vjetër, por që e zë deti, për drejtësinë dhe harroi arsimin.
Gati sa nuk i tha që të ndjekin shembullin e Ndokës, Prengës, Roshit, për të pasur rezultate të larta shkencore dhe për të qenë të drejtë me studentët!!!
Nuk pati kurajo të shpjegojë pedagogëve e studentëve: Pse tarifat e Bachelorit janë rritur 40%? Pse për master profesional tani paguhet 1.200.000 lekë dhe para tre vitesh vetëm 650.000?
Pse Ministria drejton Bordin e Administrimit të UE në shkelje të plotë të ligjit? Pse pedagogët marrin grant për paga vetëm për 9 muaj? Pse nuk kanë të ardhme të qartë Universitetet e rretheve për statusin e tyre?
Pse penalizohen ato për doktoraturat, ndërkohë që klientët jo publikë të Ramës e gëzojnë këtë të drejtë? Pse ka rënë cilësia e diplomës? Pse nuk ka treg pune për këto diploma?
Pse mijëra maturantë ngelën jashtë auditoreve? Pse më të mirët nuk arritën degën e dëshiruar?
Pse arsimi ynë ka degraduar dhe ka humbur funksionet e tij bazë edukuese e dijedhënëse? Në vend të tyre ai si gjithmonë “griu sallatë” fushate! I bëftë mirë!!!/CityNews





Lajmet e fundit nga