web counter
LEXO PA REKLAMA!

SHKARKO APP

App Store
Google Play

Nga grushti, te rripi i pantallonave e armët/ Bëmat e “të fortit” Armando Prenga në politikë

27 Shkurt 2017, 12:28, Aktualitet CNA

Armando Prenga dorëzoi sot mandatin e deputetit, pas një karriere 8-vjeçare në politikë. Prenga u zgjodh deputet për Qarkun e Lezhës në zgjedhjet e përgjithshme të vitit 2009, dhe ishte edhe anëtar i Komisionit për Sigurinë Kombëtare. Këto vite në politikë kanë qenë jo shumë të qeta për deputetin, i cili do të mbetet gjatë në mendjen e njerëzve për bëmat e tij. Ai u bë së fundi subjekt i dekriminalizimit, por kjo ishte vetëm njëra prej bëmave të Prengës, pasi ai i vuri vulën me grushte, rripin e pantallonave dhe armë.

Si u bë Prenga ?i forti? i Parlamentit dhe si iu rrëzua imazhi si politikan?
Pak kohë pasi socialistët u rikthyen në Parlamentin e zgjedhur në 2009, ndërsa deputeti ?luftarak? Edi Paloka, po përplasej verbalisht me kolegët e opozitës së asaj kohe, Armando Prenga, u ngrit nga vendi iu afrua kolegut të qarkut Lezhë dhe e qëlloi me një grusht të thatë poshtë mjekrës. Kjo ishte vula e parë politike e deputetit socialist të Laçit.

Bëma tjetër shënon më 24 maj, 2014, në Komisionin e Ligjeve, ku socialisti Qefalia i ka kërkuar Strazimirit të mos i përmend më emrin, por ai i është përgjigjur me shuplakë, ndërsa Qefalia ia ka kthyer me grusht. Pas kësaj kolegu i majtë i Qefalisë, Armando Prenga, ka përfunduar duke rrahur me rripin e tij të pantallonave Strazimirin, të cilin mësohet se e ka shtrirë në tokë.
Por një vit më pas, në vitin 2015, Prenga përplaset me fisin Cala për Lagunën e Patokut. Pasi rezultoi se Prenga kishte qëlluar me armë, deputeti u arrestua dhe iu hoq dhe imuniteti nga Parlamenti pasi çështja kaloi në hetim.

Pas burgut, Prenga u përfshi në ligjin për Dekriminalizimin, ku nga hetimet dhe mbledhja e të dhënave rezultoi se gjatë qëndrimit në Itali, kishte përdorur 7 emra të ndryshëm.
Ditët e fundit, KQZ ishte duke diskutuar për heqjen e mandatit të Prengës, mundim që shkoi dëm, pasi deputeti e dha vetë dorëheqjen, duke lënë vendin vakant për një emër tjetër, që në këtë rast sipas radhës, i kalon LSI./CityNews





Lajmet e fundit nga