web counter
LEXO PA REKLAMA!

SHKARKO APP

App Store
Google Play

E fundit!

x

Tahiri takon homologun gjerman/ Domosdoshmëri Vettingu, për pastrimin e gjyqtarëve të korruptuar

25 Shkurt 2017, 15:14, Aktualitet CNA

Ministri i Punëve të Brendshme, Saimir Tahiri, ka mbajtur një takim me Ministrin e Brendshëm Federal të Gjermanisë, Thomas de Maiziere, për të diskutuar për krijimin e grupeve të përbashkëta hetimore në kuadër të luftës kundër krimit të organizuar, si një ndër prioritetet kyç në anëtarësimin e Shqipërisë në Bashkimin Europian.

Gjatë fjalës së tij, Thomas de Maiziere është shprehur: ?Kjo është një detyrë e rëndësishme për Shqipërinë, e cila ka hapa para edhe në këtë drejtim. Kemi pasur lidhje ndërmjet krimit të organizuar shqiptar dhe atij gjerman, ose kriminelë që veprojnë këtu në Gjermani.  Për këtë arsye kemi vendosur që bashkëpunimin ta përmirësojmë dhe me hetime të përbashkëta, në mënyrë që të luftojmë këtë të keqe të përbashkët.  Në këtë kuptim, uroj në bashkëpunimin e mëtejshëm.

Nga ana tjetër, ministri Tahiri ka nënvizur se prioritet është krijimi i grupeve të përbashkëta hetimore në kuadër të luftës kundër krimit të organizuar, si një ndër prioritetet kyç në anëtarësimin e Shqipërisë në Bashkimin Europian.

Por akoma më shumë mund të bëjmë në të ardhmen për ta kthyer bashkëpunimin nëpërmjet agjencive ligjzbatuese në këtë kuadër dhe veçanti, policive, në mundësinë më të mirë për të pasur rezultate konkrete dhe të qëndrueshme në kohë.

Temë tjetër diskutimi ka qenë dhe domosdoshmëria për të filluar menjëherë me procesin e Vetting-ut, si një proces kryesor për pastrimin e gjyqtarëve dhe prokurorëve të korruptuar. /CityNews 

 





Lajmet e fundit nga