Rama sulmon institucionet që drejton Ilir Meta

25 Shkurt 2017, 12:21, Aktualitet CNA

Pak muaj para zgjedhjeve të 18 qershorit, lufta brenda llojit në kampin e mazhorancës bëhet edhe më e vështirë. Sot nga qyteti i Vlorës, kryeministri Rama hodhi thumbat e radhës, ndërsa shpërndante lejet e legalizimeve. ?Jam i vetëdijshëm që ende kemi probleme me Hipotekat, që shpesh herë i vonojnë dhënien e titujve të pronësisë pa arsye?, tha ndër të tjera Rama. Hipoteka është një nga institucionet qëndrore në vend që drejtohet nga LSI. Nuk duket të jetë një luftë e hapur mes dy aleateve politikë brenda së majtës, por një lojë nervash me kosto elektorale. Rama nuk kurseu as kritikat ndaj një institucioni të LSI duke e hedhur tek aleati i tij në qeverisje koston e pakënaqësisë që vjen nga ky shërbim në të gjithë vendin.

Drejtori i Përgjithshëm i Hipotekave është Ilirjan Muho, ish-përfaqësuesi i LSI në KQZ dhe një nga njerëzit e besuar të Ilir Metës. Rama kërkon të çojë kostot dhe faturat elektorale të një institucioni problematik tek Ilir Meta.

Rama e bën këtë jo pa një qëllim, pasi aleanca mes palëve duket se është mbyllur, por ai ka gjetur një zgjidhje tjetër për të larguar kostot elektorale, dështimet në disa segmente të qeverisë ia faturon LSI. Këtu përmendim dështimet në infrastrukturë, bujqësi dhe çdo institucion tjetër që drejtohet nga aleti i tij në qeveri, Ilir Meta.

Rama ka gjetur një tjetër mënyrë për të larguar nga vetja dështimet në drejtimin e qeverisë. Zgjidghja për të është aleati mëë i madh dhe problematik i cili është Ilir Meta. Kështu Rama me një gur dodet dy zogj. Faturën e dështimit ia çon LSI dhe përpiqet ta dobësojë elektoralisht. /CityNews