E fundit!

22:00 Ekonomi

Mbiçmim i lekut?/ Zëvendësministri i Ekonomisë sqaron situatën

Zëvendësministri i Ekonomisë dhe Inovacionit, Enkelejd Mus...

Rama minoritarëve në Sarandë/: Pse Dule nuk voton Vettingun?

25 Shkurt 2017, 13:58, Aktualitet CNA

Nga qyteti i Sarandës, sot kryeministri Rama ka prezantuar ligjin për pakicat që po hartohet nga qeveria e tij. Ai është shprehur se identiteti i minoritarëve nuk është një çështje e tyre, por i shtetit ku ata jetojnë.

?Kjo është një kredo që vjen nga historia e thjeshtë dhe e përbashkët e fshatrave, ku shqiptarët dhe minoritarët kanë jetuar si vëllezër dhe si motra, pa pasur probleme dhe kanë ndarë barrën e shqetësimeve dhe gëzimet me njëri-tjetrin?, tha Rama.

“Ta përforcojmë duke çuar më tutje cilësinë e legjislacionit tonë. Duke veçuar punën e nisur për hartimin e një ligji specifik për pakicat, ne jemi të vetëdijshëm që ka ende shumë për të bërë?, ka thënë Rama. Ai ka shtuar më tej se ligji i ri do të garantojë të drejtat arsimore të pakicave dhe se në këtë drejtim do të shihet mundësia e hapjes së zyrës arsimore për minoritetet e Dropullit dhe Finiqit. Gjithashtu, ?do krijohet një fond i posaçëm për pakicat kombëtare, që do bëjë të mundur realizimin e projekteve sociale për to?, ka deklaruar Rama.

Gjatë takimit me minoritarë në Sarandë, Rama ngriti shqetësimin e grabitjes së pronave me vendime gjyqësore. Rama tha se kjo është një tjetër arsye pse duhet Reforma në Drejtësi dhe Vettingu. Ai ironizoi edhe pjesëmarrjen e Vangjel Dules në protestën e PD te çadra përpara Kryeministrisë.

Rama tha se Dule duhet të ishte në Kuvend për të votuar zbatimin e Vettingut. “Çfarë bën në çadër Vangjel Dule dhe pse nuk vjen të votojë Vettingun? Ju e dini përgjigjen, por nuk rrija dot pa e thënë. Nëse duam të trajtojmë çështjen e pronave që të mos na grabiten, atëherë duhet të fillojmë zbatimin e Reformës në Drejtësi nga Vettingu. Në këtë zonë nuk e kanë ngrënë vetëm minoritarët, por edhe shqiptarët, njësoj e gjithë zona. Shqipëria duhet të shpëtojë njëherë e mirë nga kthetrat e këtyre njerëzve të cilët i kanë këtij vendi atë që s’ia ka bërë asnjë pushtues, madje as diktatura. Edhe diktatura letrat e pronave nuk i dogji, por i mbylli nëpër kasaforta. Mund t’i kishte djegur dhe këtu s’do kishte më asgjë, por i mbylli. Mbivendosjet, spostimet e trojeve, ngatërresat e konfliktet i krijuan këta, gjykatësit e prokurorët e korruptuar. Jam shumë dakord që të ngrini zërin, por unë s’jam personi që mund të zgjidhim ndonjë gjë, por ne mund të nxisim Reformën në Drejtësi”, u shpreh Rama. /CityNews