web counter
LEXO PA REKLAMA!

SHKARKO APP

E fundit!

x

Fshihte 29 kg drogë në banesë/ 45 vjeçari shpallet në kërkim

8 Shkurt 2017, 08:53, Aktualitet CNA

Një tjetër sasi e konsiderueshme lënde narkotike është sekuestruar nga blutë e Vlorës, ndërsa është bërë shpallja në kërkim e poseduesit. Bëhet fjalë për një shtetas 45 vjeçar, i cili mbante në banesën e tij 29 kg drogë, e cila tashmë është sekuestruar në cilësinë e provës materiale.

Nga ana e policisë po kërkohet pronari i banesës, shtetasi me inicialet I.V., 45 vjeç, banues në fshatin Ramicë, Bashkia Selenicë.

Seksioni për Krimet Kundër Narkotikëve, në bazë të informacioneve të siguruara në rrugë operative, se ky shtetas dispononte lëndë narkotike në banesë, menjëherë ka shkuar në fshatin Ramicë të Bashkisë Selenicë, për kqyrjen dhe kontrollin e banesës. Gjatë kontrollit të ushtruar në banesën e shtetasit I.V., shërbimet kanë gjetur dhe sekuestruar një sasi me lëndë narkotike me peshë prej 29 kg e 700 gr, e dyshuar si Cannabis Sattiva?, bën me dije policia përmes një deklarate për mediat.

Nga ana e uniformave blu të Vlorës po punohet për kapjen dhe arrestimin e këtij shtetasi të shpallur në kërkim. /CityNews

 

 





Lajmet e fundit nga