E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

FOTOT- Shkatërrohet banda e hajdutëve/ Tre të rinj vidhnin banesat e lokalet

8 Shkurt 2017, 09:19, Aktualitet CNA

Policia e Gjirokastrës ka goditur një grup kriminal që merrej me vjedhjen e banesave. Në sajë të operacionit të koduar “Kalaja” është bërë i mundur ndalimi i tre shtetasve, pasi në bashkëpunim me njëri-tjetrin, kryenin vjedhjen e banesave dhe lokaleve të ndryshme. Gjithashtu, u bë dhe ndalimi i tre shtetasve të tjerë për veprën penale ?Përvetesim i parave ose mallrave që rrjedhin nga veprimtaria kriminale?. Të tre këta shtetas, në bashkëpunim me njëri-tjetrin kanë blerë mallrat e vjedhura, që kishin vjedhur shtetasit Kristo Ajdini, K.Xh. dhe A.A.

Specialistët e Seksionit Kundër Krimeve në Komisariatin e Policisë Gjirokastër, pas një pune operative, kanë bërë të mundur kapjen e grupit që dyshohen se kryenin vjedhje banesash dhe lokalesh në Gjirokastër.

Si rezultat i kësaj pune u bë ndalimi i shtetasve: Kristo Ajdini, 20 vjeç, banues në lagjen “Zinxhira”, Gjirokastër., A.A., 15 vjeç, banues në lagjen “Zinxhira”, Gjirokastër., K.Xh., 16 vjeç, banues në lagjen “Zinxhira”, Gjirokastër. Ndalimi i tyre u bë pasi këta shtetas, në bashkëpunim me njeri-tjetrin, kanë kryer një sërë vjedhjesh.

Në datën 24.01.2017, shtetasit e mësipërm kanë vjedhur 12.000 (dymbëdhjetë mijë) lekë, 50?, disa paketa cigaresh, disa shishe me pije alkoolike dhe disa artikuj të tjerë ushqimor në lokalin e shtetasit O.I, në lagjen “18 Shtatori”, Gjirokastër.

Në datë 02.02.2017 këta shtetas kanë vjedhur 7 steka me cigare, 30?, 3.500(tre mijë e pesëqindë ) lekë si dhe disa artikuj të tjerë ushqimor në lokalin e shtetasit K.V. , në Lagjen “18-Shtatori”, Gjirokastër.

Në datë 07.02.2016, këta shtetas në bashkëpunim me njëri-tjetrin kanë vjedhur 7 bateri makine, një aparat karikimi baterish, rreth 5 kg materiale alumin, një troko si dhe disa sende të tjera.

Nga ana e shërbimeve të policisë është sekuestruar një bateri si dhe trokoja në banesën e shtetasit K.Xh.

Si rezultat i kësaj pune u bë gjithashtu dhe ndalimi i tre shtetasve të tjerë për veprën penale ?Përvetesim i parave ose mallrave që rrjedhin nga veprimtaria kriminale?.

U ndaluan shtetasit: Iqmet Ibrushi, 38 vjeç, banues në lagjen “Zinxhira”, ( i dënuar më parë për vjedhje).

Admir Shehu, 40 vjeç , banues në Gjirokastër, Erion Lika, 34 vjeç , banues në lagjen “Zinxhira”, Gjirokastër. Të tre këta shtetas, në bashkëpunim me njëri-tjetrin kanë blerë mallrat e vjedhura, që kishin vjedhur shtetasit Kristo Ajdini, K.Xh. dhe A.A.

Shtetasit Admir Shehu dhe Erion Lika kanë pika skrapi të licensuara në lagjen “Zinxhira”, Gjirokastër dhe kanë blerë sende të vjedhura pa dokumentat përkatëse.

Po vijon puna në bashkëpunim me Prokurorinë për dokumentimin e disa rasteve të tjera të ndodhura më parë në Gjirokastër, ku dyshohet se autorët janë shtetasit Kristo Ajdini, A.A dhe K.Xh.

Materialet në ngarkim të këtyre shtetasve i kaluan Prokurorisë së Rrethit Gjyqësor Gjirokastër, për veprime të mëtejshme. /CityNews