E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Drejtoria e Burgjeve analizon punën e vitit 2016

26 Janar 2017, 18:46, Aktualitet CNA

Drejtoria e Përgjithshme e Burgjeve zhvilloi sot analizën vjetore të vitit 2016. Në analizë mori pjesë Ministri i Drejtësisë Z. Ylli Manjani, Drejtori i Përgjithshëm i Burgjeve Z. Miklovan Kopani, drejtuesit e Institucioneve të Ekzekutimeve të Vendimeve Penale dhe shefat e sigurisë, si dhe staf i Drejtorisë së Përgjithshme të Burgjeve.

Në fjalën e tij, Ministri i Drejtësisë theksoi rëndësinë e rritjes së profesionalizmit të stafit të burgjeve dhe forcimin e integritetit gjatë kryerjes së detyrave funksionale. Duke e konsideruar Sistemin e Burgjeve si një nga institucionet më të rëndësishme të sigurisë, evidentoi forcimin e bashkëpunimit me prokurorinë dhe agjenci të tjera ligjzbatuese.

Drejtori i Përgjithshëm i Burgjeve paraqiti një panoramë të përmbledhur të arritjeve dhe sfidave kryesore të Sistemit të Burgjeve gjatë vitit 2016. Ai vuri në dukje se ?viti 2016 nuk ka qenë një vit i lehtë sa i përket sfidave me të cilat është përballur sistemi i burgjeve. Ndër përpjekjet më konstante ka qenë implementimi i një politike të drejtë menaxhuese, marrja e përgjegjësive për ekzekutimin e vendimeve penale duke ruajtur balancën midis sigurisë dhe trajtimit human të personave me liri të kufizuar, sigurimin e së drejtës së personave me liri të kufizuar për të paraqitur kërkesë ankesat e tyre dhe sigurimin e konfidencialitetit. Gjithashtu, ?ka pasur disa zhvillime pozitive duke pasur në fokus trajtimin e personave me liri të kufizuar. Janë marrë një sërë masash të cilat kanë nxitur llogaridhënien e institucioneve, kanë rritur përgjegjshmërinë në kryerjen e detyrave funksionale dhe kanë krijuar premisa për zhvillimin, menaxhimin dhe operacionalitetin e sistemit të burgjeve bazuar në modele të suksesshme të vendeve të Bashkimit Evropian.

Si më poshtë është paraqitur një përmbledhje e arritjeve dhe problematikave kryesore të Sistemit të Burgjeve gjatë vitit 2016.

Tiranë më 26.01.2017

Sistem motivimi për sjellje etike dhe korrekte gjatë ushtrimit të detyrave funksionale për punonjësit e sistemit të burgjeve. Në zbatim të planit të 600 ditëve të qeverisjes, me Urdhrin Nr. 19 datë 02.06.2016 të Drejtorit të Përgjithshëm të Burgjeve u miratua platforma për motivimin e stafit gjatë ushtrimit të detyrave funksionale. Duke marrë në konsideratë zhvillimet në shërbimin publik dhe reformën në administratën publike shqiptare, si dhe duke iu referuar zhvillimeve më të fundit të reformës në sistemin e burgjeve, por edhe ngjarjeve që lidhen me sigurinë publike, u konsiderua e rëndësishme nevoja për të siguruar që punonjësit e sistemit të burgjeve janë duke punuar në mënyrë efektive dhe efikase, kuptojnë rëndësinë e zbatimit të detyrave funksionale dhe kanë një ndërgjegjësim të lartë për përmbushjen e objektivave të institucionit. Është e rëndësishme që punonjësit të kuptojnë se si puna e tyre ka ndikim dhe kontribuon në arritjen e objektivave institucionale, e për më tepër të mbajnë në konsideratë që aftësitë dhe profesionalizmi i tyre luajnë rol kyç. Përvoja të ndryshme kanë treguar se nëse në institucione nuk ekzistojnë teknika nxitëse dhe motivuese për të arritur performancë të lartë gjatë kryerjes së detyrës, reagimet e pritshme mund të jenë negative ose në mospërputhje me pritshmëritë dhe planifikimet institucionale.

Fig. 1 Niveli i mbipopullimit në Sistemin e Burgjeve gjatë viteve të fundit