web counter
LEXO PA REKLAMA!

SHKARKO APP

App Store
Google Play

E fundit!

x

Bregu: Zgjedhjet shënojnë ditën e pazarit, po pres Këshillin e Sigurisë për të mësuar i kujt është Balili

26 Janar 2017, 15:22, Aktualitet CNA

Deputetja e Partisë Demokratike, Majlinda Bregu, mbajti sot një fjalim të fortë në lidhje me zgjedhjet parlamentare që priten të zhvillohen në 18 qershor.

Bregu tha se besimi i qytetarëve tek politika ka rënë dhe se zgjedhjet shënojnë ditën e pazareve. Sipas saj, zgjedhjet i japin shansin koalicioneve të përcaktojnë se kush e mban peng tjetrin.

?Në një anketë thuhej se besimi te parlamenti dhe partitë do të vijonte të binte. Nuk duket se Shqipëria ka qen mes këtyre vendeve, por interesi për politikë rritet, por besimi tek partitë bie.

Pra, nuk është problem demokracia por pak kush mendon se kjo arrihet me politikanë. Vota mund të shkatërrojë një qeveri të vetë-magjepsur. Zgjedhjet këtu shënojnë ditën e pazarit. Ju japin shansin koalicionieve , të cilët kanë si parim kush e mban tjetrin peng.

Njëri vjedh e tjetri punon nën rrogozë me qetësi dhe dashuri. Viktima e parë janë zgjedhjet. ?, tha Bregu

Më tej, deputetja demokrate foli edhe për Klement Balilin, për të cilin tha se po pret Mbledhjen e Këshillit të Sigurisë Kombëtare për të kuptuar se i kujt është krimineli që lëviz lirshëm. Sipas saj, bandat janë në krye të detyrës ditën e zgjedhjeve dhe se detyra e qeverisë dhe e kryeministrit është të marrin përsipër zhvillimin e zgjedhjeve me standarte.

“Në listën e shqetësimeve është edhe Mbledhja e  Këshillin të Sigurisë Kombëtare për të kuptuar se i kujt është krimineli që lëviz lirshëm, Klement Balili..

Nuk ka sistem zgjedhor që ne do të na bëjë më të besueshëm. Qeveria dhe kryeministri kanë vetëm një detyrë, marrjen përsipër të zhvillim të zgjedhjeve me standarte. Nuk kam pasur pikë besimi që reforma zgjedhore do të kryhej.? tha ajo





Lajmet e fundit nga