“Bomba” e Berishës në Kuvend: Rama si Assadi i Sirisë/Ruçi sfidon PD-në

26 Janar 2017, 11:27, Aktualitet CNA

Ka nisur me debate seanca plenare, ku po diskutohet çështja më e ?nxehtë? e kohëve të fundit, ajo e votimit dhe numërimit elektronik. Kreu i Grupit Parlamentar të PS, Gramoz Ruçi, sfidoi hapur opozitën, teksa iu tha se nuk ka kohë për zgjedhje elektronike. Sipas tij, nëse OSBE/ODIHR thotë se propozimi i PD mund të realizohet, PS është e gatshme ta pranojë.

?Ata që na arbitrojnë dhe monitorojnë neve është OSBE/ODIHR. Dhe ata na kanë vënë para një raport. Atëherë kolegë, bëhet fjalë për shit-blerje vote? Hajde të ndryshojmë kodin zgjedhor si të doni ju dhe ne jemi dakord. Ka problem me financimin e partive, hajdeni t?i plotësojmë. Por, ju nuk keni vullnet, e gjitha kjo është një alibi për të justifikuar humbjen tuaj.
Koha nuk pret, me këtë çështje mos bëni fushatë elektrorale. Nëse keni vërtet shqetësim hajdeni bëjini dhe të vazhdojmë zgjedhjet. Nëse OSBE/ODIHR thotë që kjo bëhet dhe është zgjidhja, ne jemi plotësisht dakord?, tha Ruçi.

I menjëhershëm ka qenë reagimi revoltues i ish-kryeministri Sali Berisha, i cili tha se Ruçi mbajti qëndrimin e Ramës. Berisha bëri një deklaratë të fortë, teksa e krahasoi Ramën me Asadin e Sirisë dhe se, sipas tij, nuk i pyet fare vartësit e tij. Berisha iu drejtua Ruçit e të gjithëve në Kuvend, duke iu thënë se Rama është i përfshirë në procesin kriminal të lirimit të kriminelëve.

?Është rruga ligjore absolutisht e vetme për të mundur që shqiptarët të shkojnë në zgjedhje si një vend demokratik. Ruci paraqiti qëndrimin e Edi Ramës. Por, votimi elektronik është rruga siç votojnë jo vetëm anglezët, por edhe somalezët, danezët e qytetarët e shumë vendeve, të cilët në këtë mënyrë kanë arritur të arkivojnë një diskutim dhe kundërshtira dekadash mbi procesin zgjedhor. Nëse apriori ju e hidhni poshtë, ju vetëm sa bindni opozitën se në këtë vend zgjedhje nuk mund të ketë. Juve iu drejton armiku më i egër pas kohës së diktaturës. Ju drejton njeriu që njëlloj si Assadi i Sirisë, ju thotë shqiptarëve që për t?u votuar unë duhet referendum. Me ju ai mund të bëjë ç?të dojë, por me shqiptarët nuk mund të bëjë kurrë. Ju e dini se Rama përfundon në koshin e plehrave të historisë ndaj nuk e pranon. Ai është përfshirë në procesin kriminal të lirimit të kriminelëve. Juve nuk iu pyet fare?, theksoi Berisha./CityNews