web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtarët e prokurorët afat deri më 28 janar të deklarojnë pasuritë

26 Janar 2017, 09:00, Aktualitet CNA

Gjyqtarët dhe prokurorët do të kenë dhe 3 ditë afat për të deklaruar pasuritë. Në kuadër të ligjit të vetingut, mësohet se ILDKP ka vendosur që afati i fundit të jetë data 28 janar, ku më pas do të nisë dhe procesi i kontrollit të vetëdeklarimeve. Mësohet se ditët e fundit ka pasur fluks gjyqtarësh e prokurorësh në ILDKP, të cilët kanë dorëzuar të dhënat e tyre.  Mes personave që pritet të paraqiten personalisht pranëInspektoratit të Lartë të Deklarimit dhe Kontrollit të Pasurive dhe Konfliktit të Interesave  këto tre ditët e mbetura janë kryeprokurori Adriatik Llalla, kreu i Gjykatës Kushtetuese, Bashkim Dedja dhe kreu i gjykatës së Lartë Xhezahir Zaganjori. Ata që nuk do t?i kenë të justifikuara pasuritë ose do të zbulohet se i kanë fshehur ato, do të përjashtohen nga radhët e gjyqësorit, përveçse do të përballen edhe me drejtësinë në rastet kur do të konstatohet se kanë kryer vepër penale. Edhe nëse nuk do të kalojnë testin e pastërtisë së figurës nuk do të jenë më pjesë e sistemit. Kush nuk do t?i paraqesë deklarimet në kohë, nuk do të jetë më në detyrë prej 1 shkurtit dhe nuk do të kenë të drejtë të kthehen për një periudhë 10 vjeçare.

Ndërsa në Drejtorinë e Sigurimit të Informacioneve të Klasifikuara do të dorëzohen formularët e pastërtisë së figurës. Deri tani janë dorëzuar qindra deklarime, por pa dhënë numrin e saktë se sa janë gjyqtarë e sa prokurorë. Sapo të mbyllet procesi i aplikimit, me ndihmën edhe të ndërkombëtarëve të gjithë gjyqtarët dhe prokurorët do kalojnë në sitë. Do jenë DSIK dhe ILDKP institucionet që do bëjnë verifikimet paraprake dhe më pas të dhënat do ja dërgojnë komisionit të Kualifikimit. Do jetë ky komision ai që do përcaktojë nëse një gjyqtar a prokuror do qëndrojë në detyrë apo do largohet.





Lajmet e fundit nga