E fundit!

15:52 Kronika

Pezullohet nga detyra ish-drejtori i Policisë Shkodër/ Nuk pranoi postin e ri

Agjencia e Mbikëqyrjes Policore ka pezuluar nga detyra ish...

Video/ Fevziu tregon gabimet e Lulzim Bashës

25 Janar 2017, 23:10, Aktualitet CNA

Gazetari Blendi Fevziu ishte sot i ftuar në emisionin “Fakt” në Syri.net, ku ndër të tjera ka folur edhe për Partinë Demokratike.

Sipas tij, Basha ka dështuar në përzgjedhjen e njerëzve dhe në sjelljen e figurave me imponim për publikun.

Ai tha se tek një pjesë grupit të ish ministrave të Partisë Demokratike duhet të kishte një përzgjedhje, midis atyre që kishin dëshirë për të luftuar dhe në opozitë dhe midis atyre që ndiheshin të lodhur.

Këto dështime sipas Fevziut do ti japë Partisë Demokratike kosto në zgjedhjet e ardhshme pasi nuk mund të kesh një opozitë të re pa imazhe të reja, pa një filozofi ndryshe.

Çim Peka: Çfarë mendoni për opozitën dhe për Lulzim Bashës?

Blendi Fevziu: Unë mendoj se Basha ka dështuar në një pikë, nëse do të më pyesësh që ja them dhe vetë atij personalisht. Basha ka dështuar në përzgjedhjen e njerëzve dhe në sjelljen e figurave me imponim për publikun. Që do të thotë se figurat e reja që Basha solli në parti kanë qenë figura që ai i gjeti në Partinë Demokratike, figura që kanë pasur një pozicion, por jo një pozicion të rreshtit të parë.

Ata që ishin përgjegjës për qeverisjen disa u tërhoqën, disa u kthyen edhe në bashkëpunëtorë të Ramës edhe publikisht. Ndërkohë që hapësira e mbetur bosh nuk u zëvendësua nga njerëz me fuqi. Gati 8 vjet më parë Rama e bëri më mirë se Basha këtë punë. Ai arritit të sjellë, Saimir Tahirin, Ilir Beqajn, Mimi Kodhelin, Eduart Shalsin në një periudhë, Arben Ahmetajn, pavarësisht se disa edhe i kishte gjetur, si Taulant Ballën. Por ju dha një rol ndryshe nga ish ministrat e qeverisë Nano të cilët u larguan sepse humbën zgjedhjet. Pra arriti të krijojë një ansambël i cili i funksionoi në zgjedhjet e 2009-s deri në detaje.

Ndërkohë që sot nëse unë ju pyes se cilat janë figurat e reja që erdhën pa ndonjë peshë në Partinë Demokratike, unë mund të them që nuk gjej. Tani kur unë flas për figura të reja nuk flas për njerëz të rinj në moshë, flas për personazhe të cilët kanë një background ose një karrierë profesionale të cilët duhet ta bartin në politikë ose ta shndërrojnë në karrierë politike. E para politikanët nuk krijohen kaq shpejt, e dyta brenda grupit të ish ministrave të Partisë Demokratike duhet të kishte një përzgjedhje, midis atyre që kishin dëshirë për të luftuar dhe në opozitë dhe midis atyre që ndiheshin të lodhur, apo një pjesë të kapur dhe u tërhoqën, pra dhe midis tyre duhet të qëmtohej dikush. Pra në këtë pikë unë mendoj që Basha ka dështuar dhe ky dështim do ti japi kosto në zgjedhjet e ardhshme. Nuk mund të kesh një opozitë të re pa imazhe të reja, pa një filozofi ndryshe.

Nuk mund të kesh dot një opozitë pa njerëz që të vinë dhe të përballen në studiot televizive. Ti rikthehem pjesës tjetër, figurat e reja që vijnë në studiot televizive janë recitues të mërzitshëm, të cilët shpesh herë janë të padëgjueshëm dhe mbi të gjitha kjo nuk i falet opozitës sepse mazhoranca qeveris, është se opozita ka humbur linkun me publikun.