web counter
LEXO PA REKLAMA!

SHKARKO APP

App Store
Google Play

E fundit!

x

Video-Shkarkimi i Shkullakut/ Fevziu: Ja pse po hesht ish-drejtori i ABC

25 Janar 2017, 20:51, Aktualitet CNA

Gazetari Blendi Fevziu ka qenë sot i ftuar në emisionin “Fakt” të gazetarit Çim Peka. Fevziu ka folur për largimin e Armando Shkullakut nga drejtimi i ABC News.

Ai tha se Shkullaku ka vendosur të mos reagojë për të ruajtur personalitetin e tij dhe personale.

Çim Peka: Keni reaguar për rastin Shkullaku, vetë Shkullaku jo. A mendoni se dhe vetë pronarët kanë menduar, kanë testuar dhe prandaj bëjnë kështu?

Blendi Fevziu: Jo, ky është një vendim i Shkullakut vetë, që ai e ka marrë, dhe unë nuk besoj që ai e ka marrë vendimin pa u menduar. Gjithmonë vendimet varen dhe nga rrethanat e momentit. Për një gjë jam i sigurt, që zëvendësimi, apo largimi nga ABC-ja nuk do të cenojë personalitetin e tij, apo të gazetarit. Unë kam një bindje të cilin e kam krijuar që në 10 vitet e para në profesionin tim. Ky nuk është një vend që ka kaq shumë njerëz të përgatitur dhe kaq shumë njerëz që kanë krijuar këtë lloj stature.

Ata pak njerëz që kemi sado që të mundohesh ti shmangësh, ti tërheqësh, pra të ketë presion që të mos jetë këtu se këtu të prish punë, ai diku tjetër do të dali. Pra këta nuk janë njerëz që ti i zhduk dot, sepse të krijosh një personalitet mediatik, të krijosh një personalitet biznesi, të krijosh një personalitet të kulturës, të krijosh një personalitet të çdo fushe, po edhe të dertimit në fund të fundit nuk është kaq e thjeshtë.

Mbaj mend dikur një prej pronarëve të televizionit thoshte unë do të krijoj analistët e mi, kjo nuk është një gjë që ti e bën me vendime apo me fushata. Kështu që unë mendoj se Shkullaku ka për ta ruajtur personalitetin e tij dhe parë do ruajë staturën personale. Pastaj zgjedhja e vendit të punës varet nga shumë faktorë.





Lajmet e fundit nga