E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

FOTO-VIDEO/Tiranë, sekuestrohen 1 kg kokainë, 2 në pranga

26 Janar 2017, 08:43, Aktualitet CNA

Dy në pranga e një në kërkim është bilanci i një tjetër aksioni të policisë, ndërsa kanë sekuestruar një sasi të konsiderueshme lënde narkotike. Në sajë të operacionit të koduar “January” është sekuestruar rreth 1 kg lëndë e dyshuar narkotike e llojit kokainë.

Për këtë sasi droge janë arrestuar në flagrancë shtetasit: Gjergji Gjinaj, 49 vjeç, banues në Tiranë, i dënuar më parë për “Prodhim dhe shitje të lëndëve narkotike”, Ismail Alushi, 53 vjeç, banues në Tiranë, i dënuar më parë për “Falsifikim të dokumentave” si dhe është shpallur në kërim shtetasi A. K., 41 vjeç, banues në Tiranë.

Ata dyshohen se në bashkëpunim me njëri-tjetrin kryenin aktivitetin kriminal të shitjes së lëndëve narkotike, te llojit kokainë dhe heroinë, në zona të ndryshme të Tiranës. Lëndën narkotike e siguronin tek shtetasi Ismail Allushi.

?Më datë 25.01.2017, rreth orës 21:00, në Rrugën “Vllaznit Huta”, është konstatuar automjeti tip Fiat “500”, me drejtues mjeti shtetasin Gjergji Gjinaj, rreth 10 metra më larg është konstatuar i parkuar automjeti tip Audi, me drejtues shtetasin A. K., i cili kontrollonte lëvizjet e personave dhe automjeteve në këtë rrugë.

Menjëherë është bërë ndërhyrja nga ana e shërbimeve dhe kapja e shtetasit Gjergji Gjinaj, por në momentin e ndërhyrjes ka arritur të largohet me shpejtësi me automjetin e tij shtetasi A. K., duke mos iu bindur thirrjeve për të ndaluar.

Nga kontrolli i ushtruar në automjetin tip Fiat është konstatuar një sasi me lëndë të dyshuar narkotike të llojt “Kokaine”, e cila rezultoi me peshë 978 gramë.

Nga informacionet e marra dhe nga kushtet e flagrancës, është ushtruar kontroll në banesën e shtetasit Ismail Allushi, ku nga kontrolli i ushtruar është konstatuar një dozë e dyshuar lëndë narkotike e llojit “Heroinë”.

Gjithashtu nga kontrolli i banesës së shtetasit Gjergji Gjinaj, është gjetur një sasi prej 12.5 gramë lëndë e dyshuar narkotike e llojt “Kokainë”, një peshore elektronike si dhe shuma monetare prej 6750 euro.

Në cilësinë e provës materiale janë sekuestruar:

– 990 gramë lëndë e dyshuar narkotike e llojit kokainë.

– 0,6 gramë lëndë e dyshuar narkotike e llojit heroinë.

– 1 pushkë sportive.

– 12 aparate celularë të markave të ndryshme.

– 2 automjete të markave të ndryshme.

Materialet proceduriale i’u kaluan Prokurorisë Pranë Gjykatës së Shkallës së Parë Tiranë, për veprën penale “Prodhim dhe shitje të lëndëve narkotike, kryer në bashkëpunim”. / CityNews/