web counter
LEXO PA REKLAMA!

SHKARKO APP

App Store
Google Play

E fundit!

x

Dekriminalizimi i administratës/26 mijë përsona në verifikim

26 Janar 2017, 09:06, Aktualitet CNA

Ligji i Dekriminalizimit pritet të ketë efekte të forta jo vetëm në pjesën e të zgjedhurve politikë, por edhe administratën civile.

Burime zyrtare i thanë Citynews se janë në verifikim gati 26 mijë persona me dosje pranë këtij institucioni, të cilët figurojnë të jenë të dënuar apo të tjerë që ka dyshime se nuk kanë deklaruar dënimin e tyre.

I njëjti burim theksoi se do të kryhet i plotë verifikimi për të gjithë këta persona në zbatim të ligjit ?Për dekriminalizimin?. Ky proces pritet të zgjasë për shkak të numrit të madh të dosjeve apo të dhënave që duhet të dorëzohen nga institucionet ku është kërkuar informacioni.

Mësohet se DAP ka kërkuar informacion nga Zyra e gjendjes Gjyqësore në Ministrinë e Drejtësisë, Gjykatat si dhe Policia e Shtetit, në lidhje me një pjesë të madhe të administratës shtetërore në nivele të ndryshme, që rezultojnë të kenë probleme me ligjin të cilat fillojnë nga denimet më të ulta deri tek ato për vepra të rënda penale./Citynews





Lajmet e fundit nga